Duke marrë parasysh gjendjen e tanishme në vend, qytetarëve të Kosovës u duhet të qëndrojnë në shtëpi si kujdes i shtuar kundër virusit korona. Për shumë persona kjo mund të ketë anë negative në shëndetin mendor duke qenë nga natyra qenie njerëzore sociale. Psikologia nga Ferizaj, Besa Beqiri–Zejnullahu, thotë se kjo situatë mund të shfrytëzohet për të mirë duke kaluar më shumë kohë me prindërit ose me fëmijët.
“Kjo bëhet gjithmonë duke zhvilluar tema të ndryshme, varësisht nga mosha që e kanë adoleshentët ose fëmijët më të vegjël. Duhet të bashkëbisedojnë me ta, sepse nga koha e stërngarkuar që e kemi pasur zakonisht të dy prindërit në puna me ndonjë fundjavë edhe atë e kemi shfrytëzuar për të dalur, nuk kemi pasur qasje të mirë me fëmijët, gjë që tash është shumë permanente që të bashkëbisedojmë me ta për secilin fushëveprim të tyre, në përgjithësi për emocionet, për tejkalimin e kësaj situate, t’u shpjegohet në mënyrë sa më të qetë, do të thotë psikolog të familjes së tyre mund të bëhen edhe ata, nuk jemi vetëm ne, profesionalisht ne mundemi vetëm të sugjerojmë diçka, mirëpo edhe të ndikojmë praktikisht nuk mundemi përderisa jemi në këtë karantinë dhe pikërisht për këtë duhet të lexojnë më shumë në fushën e shkencës psikologjike që mënyra e menaxhimit emocioneve të jetë stabile. Kjo faktikisht praktikohet nëse me fëmijët aktrojmë, varësisht nga mosha e tyre bëhemi një botë me ta, ndoshta të zbulojmë edhe ndonjë talent të fëmijës, gjë që nuk kemi pasur kohë ta identifikojmë deri më tani dhe të shohim kapacitetet e tyre për të ardhmen, do të thotë të marrim gjithçka me qetësi”, tha ajo.
Ajo theksoi se për të kaluar kohën sa më mirë, qytetarët mund të shpalosin gjërat nga e kaluara e tyre, siç janë fotografi, stoli të ndryshme, etj.
“Tani përderisa jemi të ngujuar në këtë formë dhe jemi vetëm në shtëpi atëherë është mirë që të kemi këto qasje, do të thotë të shpalosim edhe kujtime, të shpalosim rroba të mëhershme të fëmijëve, të bëjmë një qasje shumë komike në këtë aspekt, të shpalosim fotografi, të përkujtojmë edhe ata që nuk janë me ne fizikisht sot, veprat e tyre, fjalët e tyre, pavarësisht cilat emocione i kemi përjetuar, pozitive apo negative, sepse secili njeri e ka edhe atë bagazhin e tij të problematikave që kanë ndërsjellë, mirëpo është e gjitha si terapi t’i paraqesim në tavolinë, t’i diskutojmë, cili e ka pasur më mirë apo më keq, ndonjë lloj situate dhe të mësohemi nga kjo. Është shumë me rëndësi edhe trungun gjenetik ta zhvillojmë në atë formë dhe të komunikojmë me fëmijët sepse gjeneratat e ndryshme nëpër kohë janë shpërndarë edhe tani rastisë që janë të rritur edhe kanë shkuar në qytete të ndryshme, fakultete të ndryshme, do të thotë është koha më e përshtatshme që të gjitha këto, trungun familjarë ta diskutojmë me fëmijët tanë dhe t’i rinjoftojmë, të bashkëbisedojmë me ta dhe të tregojmë secili ato vlerat e tyre në familjet e tyre se si i ka pasur”, tha Besa Beqiri – Zejnullahu.
Psikologia Zejnullahu apeloi tek të gjithë qytetarët që të kalojnë këtë situatë me qetësi, sepse gjithçka e mirë apo e keqe kalohet, por kujtimet mbesin.
Ferizaj1 week ago
Kosovë7 days ago
Ferizaj7 days ago
Kosovë1 week ago
Arbëri3 days ago
Arbëri5 days ago
Kosovë3 days ago