Ferizaj

Inspektorati paralajmëron mbylljen e bizneseve që nuk vendosin dezinfektues në hyrje

Published

4 years ago

30 March, 2020

Njëra ndër masat për t’u mbrojtur nga koronavirusi është edhe vendosja e dezinfektuesve të duarve në hyrje të bizneseve që janë duke operur këto ditë, e ku frekuentimi i qytetarëve është më i lartë. Kjo më së shumti vlen për marketet, barnatoret, por edhe për bankat të cilat nëpër bankomatet e tyre duhet të vendosin dezinfektues të duarve.

Inspektori i tregut, Besim Uruçi, tha se nëse hasin në ndonjë veprimtari që nuk ka vendosur dezinfektues tek hyrjet, do ta mbyllin atë.

“Subjektet afariste janë të obliguara të marrin të gjitha masat për t’u mbrojtur nga koronavirusi duke përfshirë edhe vendosjen e dezinfektuesve, në rast se nuk i vendosin, ato subjekte nuk i plotësojnë kushtet me zhvillu veprimtarinë, që do të thotë se do të merren masa ndaj tyre ose do të vendosen dezinfektues ose do të mbyllen ato subjekte”,tha Uruçi.

Një tjetër masë që duhet ta respektojnë bizneset është edhe dezinfektimi i shpeshtë i shportave dhe bankomatëve.

“Aktivitetet e fundit që janë marrë dhe që jemi duke përcjellur zbatimin e tyre është vendosja e dezinfektuesve në hyrje të marketeve, dezinfektimi i shpeshtë i shportave të blerjes, dezinfektimi i bankomatëve. Kjo është ndër masat që na kanë ardhë nga qeveria dhe që duhet të zbatohen për mbrojtje nga koronavirusi”,tha Uruçi.

Uruçi tha se çdo ditë inspektorët e Ferizajt janë në terren duke shikuar nëse janë duke u respektuar masat të cilat janë ndërmarrë për parandalimin e pandemisë Covid-19, ku shkelësve të masave tha se janë duke ua tërhequr vërejtjen, e në rast të përsëritjes së veprimeve janë duke iu shqiptuar gjoba.

Ferizaj

Në Ferizaj arrestohen tre persona për posedim të narkotikëve

Published

14 hours ago

18 April, 2024

Redaksia

Policia në Ferizaj arrestoi të mërkurën mbrëma tre meshkuj kosovarë, tek të cilët janë gjetur substanca narkotike.

Në njoftim bëhet e ditur se gjatë kontrollit të një automjeti me targa vendore ne te cilin ndodheshin tre persona, policia ka gjetur dhe konfiskuar një qese me narkotikë të llojit kokainë në peshë 1.63 gram, disa paketime me narkotikë të llojit marihuanë në peshë prej 3.71 gram, një pako me letra mbështjellëse dhe një aparat për bluarje.

Me vendim të prokurorit të dyshuarit janë liruar në procedurë të rregullt.

Ferizaj

Arrestohet një person i kërkuar në Ferizaj

Published

3 days ago

16 April, 2024

Redaksia

Policia e Ferizajt ka arrestuar personin e kërkuar L.Q ( M/K) i moshës 25 vjeç.

Ai u arrestua, të hënën, më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

6 days ago

12 April, 2024

Redaksia

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.