Ferizaj

Eksportuesit kërkojnë mbështetje edhe nga komunat

Published

6 years ago

31 March, 2020

Kryetari i Shoqatës së Eksportuesve të Kosovës Nexhat Hasani, e ka cilësuar pozitive pakon emergjente fiskale që e ka miratuar Qeveria e Kosovës. Mirëpo, sipas tij, institucionet nuk duhet të ndalen me kaq. Ai tha se në këtë kohë krize edhe komunat duhet të organizojnë pako të tilla për t’iu dalë në ndihmë bizneseve pasi pandemia është duke iu shkaktuar shumë humbje.

“Sigurisht që është pako pozitive, mendoj që nuk është e mjaftueshme se sigurisht në këtë kohë të krizës bizneset dhe komuniteti në përgjithësi ka nevojë për shumë më tepër, por është një hap fillestarë shumë pozitiv që e ka parasysh gjendjen e rëndë që bizneset po ballafaqohen dhe në përgjithësi qytetarët, është masë që duhet me u përshëndet dhe mendoj që nuk duhet me u ndalë me kaq, por me i shiku mundësitë edhe tjera qoftë nga niveli qendor, qoftë ai komunal në këtë kohë të kësaj pandemie me u dalë në ballë qoftë bizneseve, qoftë qytetarëve”, tha Hasani.

Hasani tha se pa përfunduar kjo gjendje nuk dihet sa është shuma e humbjeve që po pësojnë bizneset.

“Ne nuk kemi shifër të saktë sa munden me qenë humbjet. Oda Ekonomike doli me një shifër prej 10 milionë euro humbje ditore, nuk e di se në çfarë forme i kanë nxjerrë, cilat kanë qenë kriteret, por për me ardhë tek një shifër e saktë duhet shumë angazhim dhe atë shifër mundemi me nxjerrë pasi të kalon situata, fillimisht ne nuk e dimë se sa do të zgjasë kjo situatë, pastaj këtu faktori kryesor është konsumi, njerëzit harxhojnë shumë më pak, dihet që konsumi është njëri ndër fakorët kryesor të zhvillimit ekonomik, kështu që ne nuk e dimë se sa njerëzit kanë me ndalë veprimtarinë e tyre, disa punojnë, disa nuk punojnë, kështu që ne duhet me u fokusu tek ato veprimtari që nuk kanë punuar dhe me marrë sa është përqindja e tyre në kontributin e përgjithshëm të GDP mandej mundemi me nxjerrë një element të përafërt, por pa dyshim që humbjet janë të mëdha, në qoftëse ne nuk punojmë vetëm 2-3 ditë ajo vërehet mirëpo mos të flasim që ne tash po hymë në muajin e dytë dhe nuk e dimë edhe sa kohë do të qëndrojmë në shtëpi duke mos punuar, kështu që pa dyshim humbjet janë të mëdha”,tha Hasani.

Ndër masat që parashihen në Pakon Emergjente Fiskale që ka miratuar Qeveria e Kosovës është mbështetje financiare për shoqëritë tregtare , ku hynë mbulimi i shpenzimeve të pagave mujore të punonjësve në vlerë prej 170 € për muajin prill dhe maj.

Subvencionimi i qirasë deri në pesëdhjetë (50%) të vlerës së qirasë për ndërmarrjet e vogla dhe të mesme për muajin prill dhe maj.
Sigurimi i shtesës mbi pagë në vlerë prej 300 euro për punëtorët në terren dhe që janë të ekspozuar drejtpërdrejt rrezikut të infektimit në punën e tyre për muajin prill dhe maj ku hynë mjekët dhe infermierët, policët, gardianët e Shërbimit Korrektues, zjarrfikësit, ushtarët e FSK-së, punëtorët që punojnë në karantinë, inspektorët e Inspektoratit të Punës, të Administratës Tatimore të Kosovës, të Tregut, inspektorët përkatëse komunale, doganierët e Doganës së Kosovës.

Pagesë shtesë në vlerë prej njëqind (100 €) euro për punëtorët e dyqaneve ushqimore, furrave dhe farmacive për majin prill dhe maj.
Pagesa e asistencës mujore në vlerë prej njëqind e tridhjetë (130 €) euro për qytetarët që humbin vendin e tyre të punës për shkak të situatës së emergjencës së shëndetit publik, për muajin prill, maj dhe qershor.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

1 week ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG