Ferizaj

Spitali i Ferizajt ka kapacitet vetëm për 60 pacientë me COVID-19

Published

7 years ago

13 April, 2020

Në komunën e Ferizajt numri i personave të infektuar me virusin Covid-19 tashmë ka shkuar në 55, të gjitha këto raste kontakte, ndërsa sot pritet të dalin rezultatet edhe për 21 persona të tjerë të cilëve u janë marrë mostrat.

Edhe pse numri i personave të infektuar nga kjo komunë është mjaftë i madh, Spitali Rajonal i Ferizajt ka kapacitete të kufizuara për pacientët që preken nga ky virus. Drejtori i këtij spitali Jeton Zeqiri, tha se ky spital ka hapësirë vetëm për 60 pacientë, mirëpo janë duke planifikuar që objektin e ri të Institutit të Shëndeti Publik, që është i ndërtuar afër parkut “Liria”, ta vënë në dispozicion pasi kapacitetet në Prishtinë sa vijnë e zvogëlohen.

“Në qoftë se kemi një rritje të numrit të qytetarëve pozitiv në Prishtinë atëherë kapacitetet e tyre do të jenë të mbushura dhe në këtë mënyrë adresime do të bëhen edhe në qytetin tonë, ne si fazë fillestare jemi të përgatitur për 60 pacientë të cilët do të kenë suport me oksigjeno-terapi dhe më pas si opsion i dytë është objekti i ri i Institutit Kombëtar të Shëndetit Publik që do të ketë edhe 100 shtretër kapacitet”,tha Zeqiri.

Kryetari i komunës së Ferizajt Agim Aliu, tha se pas shpërthimit të pandemisë në këtë komunë, kanë shtuar edhe masat. Ai tha se tani nëpër marketet e Ferizajt qytetarët nuk do të lejohen të marrin shërbime pa masa mbrojtëse.

“Tashmë do të ketë inspektime të shtuara, inspektorët janë në kontakt me marketet për të respektuar masat që kemi vendosur, do të kërkojmë nga qytetarët që të zvogëlohet prania e tyre, të bëjnë shërbime vetëm nga kryefamiljarët ose vetëm nga një anëtar i familjes, por në të njëjtën kohë qytetarët që shkojnë duhet të pajisen me masa mbrojtëse dhe këtë do ta kërkojmë nga marketet që mos të lejojnë futjen e qytetarëve në markete pa pasur mjetet mbrojtëse”,tha Aliu.

Aliu tha se personat të cilët kanë rezultuar pozitiv me Covid-19 në Ferizaj janë vetizoluar, duke kërkuar edhe nga personat e tjerë që kanë pasur kontakt me të infektuarit të izolohen.

“Arma kryesore për t’u mbrojtur nga Covid-19 është në dorën e qytetarëve, arma e cila është në mbrojtje është izolimi në shtëpi, distanca sociale, mosdalja familjare, le t’i ndalin vizitat familjare pasi kontakti është përhapësi më i madh i Covid-19”,tha Aliu.

Edhe në Policinë Rajonale të Ferizajt, thonë se tash do të jenë më rigoroz.

“Në bashkëpunim edhe me inspektorët përkatës edhe Policia është duke marrë masat, kemi ndalime dhe ndalesa sidomos gjatë orareve të orës policore dhe të karantinimit, tani do të jemi më strikt, nuk do të lejojmë që të rrezikohet siguria e shëndetit publik”,tha Emin Beqiri, drejtor i Policisë Rajonale të Ferizajt.

Pas shtimit të numrit të personave të infektuar me koronavirus, Ferizaj është shpallur zonë karantinë. Ndërsa, fshatrat Sazli, Mirash, Varosh, Nerodime, Lloshkobare dhe lagjja ”Topojani” në Greme, janë shpallur si vatra të përhapjes së infeksionit, çka nënkupton izolimin e tyre dhe zbatimin strikt të masave parandaluese për përhapjen e virusit Covid-19.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

22 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar