Ferizaj

Tollovi para QKMF-së dhe bankave një ditë para hyrjes në fuqi të masave të reja

Published

7 years ago

14 April, 2020

Megjithë thirrjet e Organizatës Botërore të Shëndetësisë dhe të mjekëve e autoritereve kosovare, që të respektohen masat në mënyrë që të parandalohet përhapja e virusit korona, respektim i këtyre masave nuk u pa sot në Ferizaj.

Grumbull i madh i qytetarëve ishte mbledhur para hyrjes së Qendrës Kryesore të Mjekësisë Familjare në Ferizaj, të cilët po prisnin për të marrë insulinë me frikën se do të mbesin pa të, për shkak të masave të reja që ka vendosur Ministria e Shëndetësisë.

Drejtori i Shëndetësisë në Ferizaj Bekim Ademi, tha se këta pacientë nuk duhet të shqetësohen për kufizimet e vëna nga Ministria, meqë kufizimi i lëvizjes nuk vlen edhe për pacientët me insulinë.

“Qytetarët e kanë marrë me shqetësim informatën nga Ministria se do të ketë kufizim të lëvizjes dhe vetëm brenda orarit të caktuar, por unë i ftoj personat që janë me diabet dhe marrin insulinë që mos të shqetësohen, ata kanë mundësi edhe ditëve të tjera të shkojnë dhe të marrin insulinë dhe mos të krijojnë aty shumë tollovi duke mos ruajtur edhe distancën socciale. Personat të cilët janë të sëmurë kanë të drejtë të lëvizjes dhe të shkojnë nëpër Qendra të Mjeksisë Familjare”, tha Ademi.

Ademi tha se në stoqet e QKMF-së për momentin ka insulinë, ndërsa depoja qëndron e hapur çdo ditë pune nga ora 8:00 e mëngjesit deri në orën 16:00.

“Sa i përket insulinës është kompetencë e Ministrisë dhe ata i sjellin në bazë të emrave dhe mbiemrave, çdo person që është me insulinë Ministria kujdeset dhe i sjell për emrat e caktuar. Për momentin ka në depo, Ministria i ka sjell dhe është duke vazhduar shpërndarja e tyre, ka etapa që mugojnë që nuk i sjell Ministria me kohë, por tani për tani ka”,tha Ademi.

Tollovi e madhe u pa edhe para institucioneve bankare në këtë qytet. Shumë qytetarë ia kishin mësyer bankave për të hapur xhirollogari në mënyrë që të përfitojnë mjete financiare nga Pakoja Emergjente Fiskale. Duke mos pranuar të flasin para kamerës, ata thanë se po e shfrytëzojnë ditën e sotme, meqë nga nesër lëvizja e qytetarëve do të lejohet vetëm për 1 orë e 30 minuta, ndërsa bankat janë të hapura nga ora 09:00 deri në orën 14:00, ku për shumë qytetarë qarkullimi brenda këtyre orëve do të jetë i ndaluar.

Ferizaj

Ndahet nga jeta veterani i UÇK-së, Avdi H. Ahmeti

Published

1 week ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 month ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 month ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.