Ferizaj

Deputeti Enver Haliti i dhuron QKMF-së tunel dezinfektimi

Published

6 years ago

18 April, 2020

Tuneli dezinfektues prej sot do të qëndroj në oborrin e Qendrës Kryesore të Mjekësisë Familjare në Ferizaj, pranë tendës së tirazhit, si masë mbrojtëse shtesë për parandalimin e përhapjes së Covid-19.

Ky tunel mjaftë i nevojshëm, QKMF-së i erdhi donacion nga deputeti i Kuvendit të Kosovës nga radhët e LVV-së Enver Haliti.
Ai tha se ky tunel dezinfektues përmbanë 650 litra dezinfektant që ka një formulë të rekomanduar nga OBSH-ja.

“Ky tunel do të jetë në shërbim të stafit mjekësor, por edhe të Spitalit të Ferizajt dhe pacientëve që frekuentojnë këto ditë këtu. Duke parë edhe praktikat e vendeve të tjera që kanë vendosur një të tillë edhe mua me ka lind idea që ta ofroj këtë tunel së bashku me 650 litra dezinfektant që ka një formulë të rekomanduar nga OBSH-ja që është adekuat për luftimin e Covid-19. Ka nis një inciativë solidariteti edhe nga kryeministri i Kosovës dhe unë këtë ide e kam pasur edhe më herët dhe sot e realizoj këtë”, tha Haliti.

Tani kur numri i të prekurve me koronavirus është rritur në komunën e Ferizajt, drejtoresha e QKMF-së Nadire Ymeri, tha se ky tunel është siguri shtesë për stafin mjekësor.

“Falënderoj deputetin Haliti që na e ka siguru këtë tunel që është mëse i nevojshëm për stafin mjekësor marrë parasysh situatën me pandemi dhe shtimin e numrit të të prekurve në Ferizaj”,tha Ymeri.

Ky tunel deiznfektues që u vendos para hyrjes së QKMF-së, Halitit i ka kushtuar afër 3500 euro.

Ferizaj

Bëhet i ditur identiteti i viktimave të aksidentit tragjik në Gjermani

Published

3 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

3 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

5 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.