Connect with us

Ferizaj

Komuna e Ferizajt lëshon leje qarkullimi për miq e jarana

Published

on


Asamblisti i Kuvendit Komunal të Ferizajt Nehat Mustafa, në një postim të tij në facebook sinjalizoi se komuna e Ferizajt po lëshon leje qarkullimi për njerëz të cilët nuk kualifikohen për ta poseduar atë.


Gjurmëve të postimit të Mustafës, Tv Tema gjeti se komuna ka lëshuar disa leje të tilla. Burimet të cilat deshën të mbesin anonime, thanë se janë qindra leje të lëshuara pas hyrjes së Ferizajt në karantinë.

Në lejet e lêshuara mungon numri zyrtar i protokolit.


Duke e parë këtë keqpërdorim me dhënien e lejeve, Mustafa tha se duhet të shikohet mundësia që të anulohen të gjitha.

“Fillimisht ka qenë ideja e mirë që t’iu jepet leja vetëm atyre që e kanë të domosdoshme daljen, atyre që ua lejon edhe vendimi në nivel qeverie, por edhe nga ajo që kemi parë mund të vijmë në përfundim se ka edhe keqpërdorime të atyre lejeve, mund të ketë kompani të cilat veprimtaria e tyre nuk lejohet ndërsa ata janë të pajisur”, tha Mustafa.


Në anën tjetër, zëdhënësi i komunës së Ferizajt Albion Sherifi, thotë se të gjitha lejet që i kanë lëshuar janë bërë mbi bazën ligjore.


“Pronarët që po përmenden kanë dëshmuar apo të gjitha bizneset që janë lejuar që të zhvillojnë veprimtarinë e tyre apo që nënkategorinë e tyre në kuadër të formularit të ATK-së njihen si furnitorë apo kanë mundësinë e qarkullimit apo furnizmit me materiale të ndryshme u kemi lëshuar lejet e qarkullimit. Këto leje janë të përkohshme, janë leje për nevoja të furnizimit dhe janë në funksion të mbajtjes gjallë të zingjirit konsumues, pa përjashtuar faktin se Ferizaj është lidere në kuptimin e numrit të bizneseve dhe duhet të kemi parasysh edhe këtë fakt, Ferizaj nuk është qytet i rëmdomtë, është qytet i biznesve dhe ato kanë nevojat e tyre që të qarkullojnë me qëllim furnzimi dhe ne e kemi parë të arsyeshme gjithmonë në harmonizim me vendimet e qeverisë me bazën ligjore në fuqi që të japim këto leje qarkullimi”,tha Sherifi.


Mosrespektimi i masave të përcaktuara në vendimin e Ministrisë së Shëndetësisë konsiderohet kundërvajtje administrative dhe dënohet me gjobë prej 1 mijë deri në 2 mijë euro gjobë për personat fizik dhe prej 3 mijë deri në 8 mijë euro për personat juridik, ndërsa personi përgjegjës i personit juridik dënohet prej 500 deri në 1 mijë e 500 euro gjobë.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet një ish zyrtar i gjendjes civile në Ferizaj

Published

on

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019,   si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Continue Reading

Ferizaj

Arrestohet ferizajasi pasi kanosi një grua përmes rrjeteve sociale

Published

on

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Continue Reading

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

on

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë  e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.

Continue Reading

Trending