Ferizaj

Në mesin e të infektuarve me Covid-19 edhe një mjek ferizajas

Published

6 years ago

23 April, 2020

Gjatë ditës së djeshme në komunën e Ferizajt janë konfirmuar edhe 3 raste të reja me koronavirus duke e quar kështu numrin e të infektuarve në këtë komunë në 93.
E, në mesin e tre të infektuarve nga Ferizaj është edhe një mjek.
Drejtori i Spitalit të Ferizajt Jeton Zeqiri, thotë se nuk kanë paraparë masa për vetizolim të stafit mjekësor.

“Doktori ka punuar në formë të thirrjeve, nuk ka qenë doktor që ka qenë i angazhuar çdo ditë me orar në Spitalin e Ferizajt, dje në qytetin tonë janë testuar 12 mostra, 2 kanë qenë në kontakt me punëtorët e “Bondsteel”-it dhe i treti ka qenë ky doktor i cili në Spital të Ferizajt ka punuar por me masa mbrojtëse, kështu që sa i përket mënyrës së shpërndarjes apo kontaktit ka qenë me masa të parapara dhe ne nuk parashikojmë ndonjë masë për vetëizolim të stafit përcjellës. Doktori me 6 prill ka qenë prezent në Spital ku personi i cili ka pasur Covid-19 ka vdekur më pas në QKUK, por nuk ka pasur kontakt direkt me pacientin dhe për këtë nuk ka qenë i testuar më parë, por dje me rekomandim të Institutit është testuar dhe ka rezultuar pozitiv”,tha Zeqiri.

Zeqiri tha se sot kanë bërë dezinfektimin e hapësirave të Spitalit.

“Ne si Spital për shkaqe sigurie kemi bërë sot dezinfektimin e hapësirës së Spitalit, ndërsa Instituti Kombëtar i Shëndetit Publik është duke u marrë me kontaktet që ka pasur doktori kur ka përfunduar punën në Spital”, tha Zeqiri.

Mjeku i prekur nga Covid-19 punon edhe në një ordinancë private në Ferizaj.

Ferizaj

Arrestohet i dyshuari për shkaktim të zjarrit në një shtëpi në Ferizaj

Published

2 days ago

03 June, 2026

Redaksia

Policia e Kosovës ka njoftuar se ka arrestuar një person të dyshuar si zjarrvënës pasi një shtëpi është përfshirë nga zjarri në Ferizaj.

Sipas raportit 24 orësh të policisë rasti ka ndodhur të martën, në ora 12:00.

Ferizaj / 02.06.2026 – 12:00

” Ankuesi mashkull kosovar ka njoftuar se shtëpia e tij është përfshirë nga zjarri. Sipas dëshmitarëve dyshohet se një person i dyshuar mashkull kosovar e ka shkaktuar zjarrin, i cili është arrestuar dhe me vendim të prokurorit është dërguar në mbajtje.”

Ferizaj

Zjarri në një kompani në Ferizaj dëmtoi edhe tri shtëpi familjare

Published

3 days ago

02 June, 2026

Redaksia

Nga një zjarr që shpërtheu më 31 maj në një kompani private në Ferizaj, përpos dëmeve në objektin afarist janë dëmtuar edhe tri shtëpi familjare të pronarit të kësaj kompanie.

Në raportin e policisë bëhet e ditur se nga zjarri që shpërtheu rreth orës 23:10, vlera e dëmeve në objekt afarist dhe shtëpitë e përfshira është e konsiderueshme, derisa rasti është duke u hetuar.

“ Ferizaj / 31.05.2026 – 23:10.

Më 01.06.2026 viktima mashkull kosovar ka raportuar se zjarri i cili kishte shpërthyer me datën e lartcekur në kompaninë e tij, përveç dëmeve tek lokali, dëme ishin shkaktuar edhe tek tri shtëpi të familjarëve të tij ku vlera e dëmit është e konsiderueshme. Rasti është duke u hetuar nga ekipet relevante policore”, thuhet në raportin 24 orësh të policisë.

Ferizaj

Konfiskohen dy motoçikleta dhe ndëshkohen drejtuesit e tyre në Ferizaj

Published

4 days ago

01 June, 2026

Redaksia

Të dielën, më 31.05.2026 rreth orës 15:15, Policia në Ferizaj ka ndaluar dy drejtues motoçikletash, të cilët po qarkullonin në rrugën “Shaban Viça”, në kundërshtim me rregullat dhe ligjet e komunikacionit rrugor.

Ndaj personit me inicialet R.M. (25 vjeç) është shqiptuar gjobë prej 500 eurosh për mos posedim të kategorisë përkatëse A, 3 pikë negative, si dhe masë mbrojtëse prej tre muajsh heqje e patentë-shoferit. Po ashtu, ai është gjobitur edhe me 200 euro për qarkullim me motoçikletë të paregjistruar dhe pa targa.

Edhe ndaj personit me inicialet A.V. (25 vjeç) janë shqiptuar të njëjtat masa: 500 euro gjobë për mos posedim të kategorisë përkatëse A, 3 pikë negative, tre muaj heqje e patentë-shoferit, si dhe 200 euro gjobë për motoçikletë të paregjistruar dhe pa targa.

Për shkak të mungesës së dokumentacionit të rregullt, policia ka konfiskuar edhe të dy motoçikletat.