Arsim

93% e nxënësve ferizajas të përfshirë në mësimin online

Published

6 years ago

22 April, 2020

93% e nxënësve në komunën e Ferizajt janë duke u përfshirë në procesin mësimor që po zhvillohet online.
Drejtori i Arsimit në Ferizaj Afrim Llabjani, shprehet i kënaqur me punën që është duke u bërë nga ana e drejtorëve të shkollave dhe mësimdhënësve, të cilët tha se janë duke u angazhuar që të gjithë nxënësit të përfshihen në mësimin online.

“Në bazë të raporteve që kemi marrë në arsimin 0-9, sipas statistikave që kemi mbledhur nga të gjitha shkollat është diku 93% e nxënësve janë të përfshirë në procesin mësimor, kemi 7% të nxënësve që nuk janë të përfshirë, ndërsa në nivelin 10-12 është një përqindje pak më e lartë e mospërfshirjes 91%, por megjithatë jemi të kënaqur me këtë gjithëpërfshirje dhe për këtë unë dua të shpreh mirënjohje për të gjithë si drejtorët, mësimdhënësit, nxënësit e prindërit, të cilët e kanë kuptuar me seriozitet këtë punë dhe janë duke e bërë një punë të mirë”, tha Llabjani.

Llabjani tregoi se si mund të bëhet vlerësimi i nxënësve.

“Me kurrikulën e re ne kemi 3 periudha të vlerësimit, periudha e parë që fillon në shtator dhe përfundon në dhjetor, periudha e dytë që fillon në janar dhe përfundon më 31 mars dhe periudha e tretë që fillon nga 1 prilli dhe përfundon me përfundimin e përgjithshëm të procesit mësimor, andaj po mendoj që periudha e parë është përfunduar siç është dashur në shkolla, periudha e dytë ka filluar në shkolla por nuk është përfunduar, kanë mbetur diku 2 javë për të përfunduar edhe kjo periudhë, por po besoj se janë disa indikatorë që dërgojnë në një vlerësim sa më të drejtë dhe më real për nxënësit, mësimdhënësit i kanë disa informacione të mira që mund ta bëjnë një vlerësim për secilin nxënës që e kanë në proces”, tha Llabjani.

Sa i përket organizimit të testit të arritshmërisë dhe atij të maturës, Llabjani tha se Ministria e Arsimit është duke e shqyrtuar mundësinë e mbajtjes së këtyre testeve.

“Ne nuk kemi marrë akoma ndonjë informacion zyrtar se çfarë do të ndodhë me testin e arritshmërisë dhe testin e maturës, por po shpresoj se do të kthehemi në bankat shkollore, por nëse jo atëherë me sa kam informacione ministria është duke punuar në këtë drejtim për të parë mundësinë se si do të kryhen këto dy teste pasi janë shumë të rëndësishme, pra për këto dy teste do të jetë më problematike të zhvillohen online”,tha Llabjani.

Procesi mësimor në Kosovë është ndërprerë më 12 mars si masë mbrojtëse nga pandemia COVID-19.

Arsim

Shkollat profesionale, një mundësi strategjike për vajzat në Kosovë

Published

2 weeks ago

05 September, 2026

Redaksia

Kosova numëron mbi 60 shkolla profesionale në gjithë vendin të cilat kanë drejtime specifike që sigurojnë një vend pune për të diplomuarit në Kosovë. Kjo sepse nevojat e tregut në vend janë të lidhura ngushtë me aftësitë që i ofrojnë shkollat profesionale, dhe në të njëjtën kohë bizneset janë në kërkim të vazhdueshëm për fuqi punëtore të re dhe të kualifikuar.

Shumë profile, të cilat dikur janë menduar si profesione teknike e të djemve, tani po ndiqen nga vajzat të cilat po marrin aftësitë e duhura që po ua hapin dyert për punësim të suksesshëm në drejtime si ICT, programim, arkitekturë, agrobiznes, konfeksion, ngrohje dhe klimatizim, auto- mekanik, përpunues të metaleve, ndërtimtari, instalues elektrik e shumë profesione të tjera.

Në fillim të verës, shkollat e aftësimit profesional në mbarë Kosovën kanë mbajtur ‘Ditët e Hapura’ për ti njoftuar të rinjtë filloristë për mundësitë që i ofrojnë për praktikë profesionale dhe lidhjen me tregun e punës.

Të gjitha këto mundësi në kuadër të Arsimit dhe Aftësimit Profesional i hapin vajzave dyert drejt një karriere të qëndrueshme dhe mundësi punësimi të menjëhershëm.

“Ditët e Hapura” janë përkrahur nga organizata ‘Kosova Women 4 Women’ në kuadër të iniciativës “Her path, Her skills” financuar nga Dukati i Madh i Luksemburgut dhe implementuar nga Ministria e Arsimit dhe Shkencës, dhe LuxDev, Agjencia e Luksemburgut për Bashkëpunim Zhvillimor.

Nga kjo përvojë është e qartë se për vajzat në shumë Komuna të Kosovës duhet të vazhdojmë me insistim që nxënësit, dhe prindërit e tyre, të marrin vendime të informuara për karrierën e tyre.

Arsimi profesional u mundëson të rinjve të fitojnë njohuri dhe aftësi praktike në fusha të ndryshme, të pajisen me një diplomë të njohur dhe, mbi të gjitha, të kenë qasje më të shpejtë dhe më të sigurt në tregun e punës.

Drejtohu në shkollën më të afërt profesionale në Komunën ku jeton, merr informacione për profesionet dhe përzgjedh njërin nga to.

Shkolla profesionale nuk është vetëm një diplomë.

Zgjedh shkollën për aftësi karriere!

* Artikull i sponsorizuar

Arsim

Të enjten në Ferizaj ndihmohen prindërit për aplikim për subvencionimin e librave

Published

3 years ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

3 years ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.