Ferizaj

”Chamo Creative” sjell punime dekorative 3D

Published

6 years ago

29 April, 2020

Gjërat e bukura me dizajne apo me detaje të ndryshme dekorative të cilat i shohim nëpër shtëpi, lokale,e biznese të ndryshme nuk ka se si të mos na bien në sy. Por, si krijohen këto dizajne të veçanta prej druri tregon dizajneri Qamil Sopa nga Ferizaj, i cili që një vit ka nisur të merret me punime të ndryshme dekorative 3D. Ai thotë se kjo punë nuk është edhe e lehtë për ta bërë pasi nevojitet shumë përqëndrim dhe kohë, por thekson se pasioni për këtë punë e mund lodhjen.

“Në fillim kemi punuar me dekore nëpër festa të ndryshme, më së shumti ditëlindje dhe duke e pasur parasysh që na kërkojnë diçka më ndryshe dhe na nevojiteshin sa më shumë detaje e pamë të arsyeshme me punu edhe me detaje dhe me u dhënë fokus më të madh. Tash bëhen 1 vit që jam duke punuar këso detaje me pajisje laserike dhe me dizajn. Me dru është më e kërkuar dhe del më bukur. Në fillim e krijoj dizajnin si duhet të duket, i krijoj vijat, lidhëset dhe mandej e paraqesim edhe në pajisje. Është kënaqësi kjo punë, por pa e pasur pasion nuk mund ta bësh, në kohën e fundit është trend kjo, po kërkohet shumë pasi këto detaje vendosen kudo, nëpër shtëpi, zyre,lokale të ndryshme”, tha Sopa.

Sopa, tregon se detajet që i krijon mundohet t’i bëj unike dhe të cilat nuk mund të gjenden lehtë në Kosovë.

“Më së shumti që më ka marrë kohë është punimi ”Xhamia” meqë tani jemi edhe në muajin Ramazan dhe e kam dizajnuar, ka pasur shumë copëza afër 300 që pak me gabu prishet çdo gjë, prandaj më është dashur shumë kohë, por puna që të merr më shumë kohë është tek lidhëset, njëjtë është edhe kulla Eiffel që e kam punuar, më është dashur shumë kohë por ka dalur unike dhe është problem të gjendet në Kosovë, pasi është problem të punohen, mund të bëhen por të thjeshta jo si kjo që e kam punuar unë”,tha Sopa.

E derisa po gjendemi në kohë pandemie, Sopa nuk ka lënë pa krijuar elemente që iu përshtaten kësaj situate.

“Tek unë karantina ka ndikuar për të mirë, pasi e gjithë popullata ka qenë e fokusuar në rrjete sociale dhe e kam shfrytëzuar këtë kohë dhe kam bërë shumë punime të cilat i kam publikuar. Pak më të veçantë e kam bërë këtë maskë prej druri ku ma kanë propozuar nga Amerika që e kanë parë në postimin tim që me konkurru ndër maskat që janë zgjedhur më unike në botë”,tha Sopa.

Përveç dizajneve 3D nga druri tek “Chamo Creative” krijohen edhe aksesorë dhe detaje të tjera dekorative nga pasqyra, ndërsa në të ardhmen pronari i këtij biznesi tha se është duke planifikuar që të krijojë edhe varëse, vathë e aksesorë të ndryshëm.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

23 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar