Ferizaj

Një kirurg ferizajas infektohet me koronavirus në spitalin ”Sirona”

Published

6 years ago

12 May, 2020

Instituti Kombëtar i Shëndetësisë Publike në njoftimin e fundit ka bërë të ditur se janë konfirmuar 11 raste të reja me COVID-19, ndërsa vetëm dy janë shëruar. Në mesin e 11 rasteve pozitiv ka rezultuar edhe një kirurg nga Ferizaj.

Drejtori i Spitalit të Ferizajt Jeton Zeqiri, tha se mjeku nga Ferizaj i konfirmuar me koronavirus ka kohë që nuk është pjesë e stafit të Spitalit të Ferizajt, por rreziku është evident meqë 2 familjarë të tij janë punonjës në këtë spital.

“Spitali “Sirona” ka qenë vatër e 4 punëtorëve shëndetësor që kanë qenë pozitiv një ndër ta ka qenë edhe një specialist nga Ferizaj i cili nuk ka punuar tek ne, por aty dhe ka rezultuar pozitiv. Ne së bashku me Institutin Kombëtar i kemi gjurmuar kontaktet e ngushtea të doktorit ku dy prej tyre kanë punuar edhe në Spitalin tonë të Ferizajt dhe sot është bërë testimi i kontaktit të specialistit dhe presim rezultatet në orët e mbrëmjes”, tha Zeqiri.

Drejtori i Spitalit të Ferizajt tha se derisa të gjendet vaksina për koronavirusin qytetarët duhet t’i respektojnë masat, meqë ende rreziku është i lartë.

“Ne duhet të mësohemi të jetojmë me këtë virus deri në momentin që zbulohet vaksina për të dhe ne duhet të mësohemi të mbajmë distancën, të mbajmë higjienën, të mbajmë maska dhe në këtë mënyrë ne do të jemi vigjilent në mënyrë që mos ta marrim virusin dhe ta bartim tek familjet tona apo grupi ku punojmë”,tha Zeqiri.

Pas rastit të ri të konfirmuar mbrëmë, numri i të prekurve me COVID-19 në Ferizaj shkon në 99, por nga ky numër tashmë konsiderohen të shëruar 93 persona.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

12 hours ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

5 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

5 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.