Ferizaj

Nis ndërtimi i Parkut Memorial të UÇK-së në Jezerc

Published

6 years ago

12 June, 2020

Në 21 vjetorin e ditës së Çlirimit të Ferizajt, filluan punimet për ndërtimin e Parkut Memorial të UÇK-së në fshatin Jezerc, në vendin ku gjendet Lapidari i Dëshmorëve.

Kryetari i komunës së Ferizajt Agim Aliu, tha se ky projekt do të kthej vëmendjen e shumë studiuesve të luftës për të hulumtuar e dokumentuar luftën e zhvilluar në Zonën Operative të Nerodimes.

“Kur sot jemi në 21 vjetorin e çlirimit sigurisht se nuk do të ishte e denjë që mos të memorizonim gjithë luftën, rënien e sakrificën e bashkëluftëtarëve tanë dhe për këtë sot jemi në Jezerc për të bërë një hap më tutje, një hap në drejtim të njohjes së sakrificës edhe më shumë të sakrificës së dëshmorëve. Mbamendja nuk mund të jetë e gjallë vetëm nga njerëzit bashkëjetues të këtyre ngjarjeve, por ne duhet të lëmë trashëgimi për gjeneratat për ta ditur se liria ishte me çmim dhe sakrificë të lartë dhe sot ne po e nisim një projekt tepër të rëndësishëm “Parkun Memorial të Jezercit”, i cili përfshin të gjitha pëllëmbët e territorit të Jezercit të shkelur nga ushtarë, dëshmorë dhe heronj gjatë ditëve më të lavdishme për të bërë lirinë”, tha Aliu.

Nisja e këtij projekti, nga ish-luftëtarët e UÇK-së, po konsiderohet nder për të rënët e lirisë, por edhe për ata që e përjetuan luftën.

“UÇK-ja pati lad të fuqishëm dhe veçanërisht pa mbështjen e SHBA-së do të ishte e vështirë apo do të ishte një proces i stërgjatur për të arritur këtu, prandaj urimi për qytetarë është që 100 vite kemi kaluar nëpër rrugë të rënda dhe tani 21 vite jemi në liri dhe jemi shtet i pavarur dhe kjo është në radhë të parë falë dëshmorëve, por edhe e mbështetësve të shtetit tonë, prandaj ne duhet të koordinohemi me ta dhe t’i përfillim mendimet e tyre. Ka pasur veprime të hapura e të fshehta që e kanë luftuar dhe e luftojnë UÇK-në, ata njerëz nuk janë të vetëdijshëm që e luftojnë dhe e shkatërrojnë të sotmen e Kosovës, atakimi kundër vlerave të UÇK-së është luftë kundër lirisë dhe pavarësisë së Kosovës. Pikërisht ata kanë përfituar më së shumti prej UÇK-së”, tha Ilmi Reçica.

“Ky projekt është mënyra më e mirë për të falënderuar familjet e dëshmorëve, luftëtarët e veçanërisht të rënët, ky projekt na rikthen në rrugën që kanë ecur të rënët dhe gjithë ata që bënë për lirinë. Për neve ushtarët që ishim në këtë vend rëndësia është e veçantë, por mbi të gjitha për mua duke qenë këtu në këtë nisje të projektit ndjehem mëse i plotësuar”, tha Gazmend Bytyqi.Përfaqësuesi i fshatit Jezerc, Nazmi Baliu, tha se ky projekt nderon edhe banorët e këtij fshati.

“Po shpërblehet mundi, sakrifica e banorëve të Jezercit, me këtë projekt po nderohen dëshmorët, veteranët edhe ne banorët”, tha përfaqësuesi i fshatit Jezerc Nazmi Baliu.

Projekti për ndërtimin e Parkut Memorial të Ushtrisë Çlirimtare të Kosovës në Jezerc, që parasheh rindërtimin e rrugëve e kanaleve komunikuese të luftëtarëve gjatë luftës dhe shenjimin e vendrënieve të dëshmorëve të kombit, ka një vlerë rreth 400 mijë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

24 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar