Ferizaj

Tahiri kërkon konsensus për Ligjin e Pagave, premton ndryshime edhe në Ligjin për Financa Lokale

Published

6 years ago

02 September, 2020

Zëvendëskryeministri i Kosovës Besnik Tahiri, vizitoi sot komunën e Ferizajt ku u prit nga kryetari i kësaj komune Agim Aliu.

Përveç takimit në komunë, zëvendëskryeministri Tahiri i shoqëruar nga kryetari Aliu vizituan edhe Qendrën Kryesore të Mjekësisë Familjare në këtë komunë.

Nga aty Tahiri tha se do të angazhohet që ë Ligji i Pagave të futet në zbatim së paku vitin e ardhshëm.

“Ky ligj duhet të kaloj, por ky ligj për me kalu ne duhet me pas një konsensus me të gjitha partitë politike, mos të më thonë se ky ka qen ligj elektoral e më vonë në Kuvend me e rrëzu . Sot me atë ligj specialistët do ta kishin pasur pagën 1200 euro, me atë ligj motrat do ta kishin pasur më të lartë rrogën, sot me atë ligj zjarrfikësit kishin qenë ndryshe, policët ndryshe, por na ra për shkak se pati ndërhyrje dhe na e rrëzun ligjin, prandaj kërkesa ime është me çu përpara këtë ligj”, tha Tahiri.

Përveç Ligjit për Paga, Tahiri premtoi se do të angazhohet që të bëhen ndryshime edhe në Ligjin për Financa të Pushtetit Lokal.

“Do ta adresoj në mënyrë shumë të shpejtë ligjin për financa lokale pasi jam i bindur se formula se si është tani si për shëndetin primar, si për arsimin primar, si për kontratën kolektive, si për çështje tjera nuk është ajo që e reflekton Kosovën që duam ta shohim. Kam biseduar edhe me ministrin e financave dhe kryeministrin dhe në një periudhë të shpejtë do ta adresoj temën e financimit të komunave dhe kalimit të ligjit për financa lokale“, tha Tahiri.

Kryetari i komunës së Ferizajt Agim Aliu, falënderoi zëvendëskryeministrin Tahirin për vizitën që i bëri Ferizajt.

“Kryetarët e komunave përveç që kanë mikun kanë edhe zërin më mbështetës në Qeverinë e Kosovës sa i përket çështjeve lokale. Ne kemi ardhë sot këtu që t’i vizitojmë të tri nivelet e institucioneve shëndetësore, nivelin primar, sekondar dhe terciar ku unë si kryetar i komunës jam jashtëzakonisht i lumtur që këto tri nivele kanë qenë të bashkërenduara dhe unike dhe ne ja kemi dalë dhe do t’ia dalim në secilën sfidë që na paraqitet, sigurisht falënderoj edhe Qeverinë e Kosovës që ka qenë mbështetëse “, tha Aliu.

Vizitën e Tahirit e vlerësoi edhe drejtoresha e QKMF-së në Ferizaj, Nadire Ymeri.

“Këtë vizitë e cilësojmë si kujdes për stafin mjekësor, ku mund të them se është kryer një punë shumë e madhe, një punë e palodhshme dhe meqë tani numri i rasteve të dyshuara është në ulje neve na gëzon, por ne do të vahdojmë edhe më tutje me masa mbrojtëse”, tha Ymeri.

Pas vizitës që i bëri QKMF-së së Ferizajt, Tahiri u nis drejt komunës së Vitisë për të vizituar edhe QKMF-në e atjeshme.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

13 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar