Ferizaj

Nxënësit e shkollës ”Zenel Hajdini” qepin maska për bashkëmoshatarët

Published

6 years ago

14 September, 2020

Kanë qepur afër 500 maska, ndërsa janë i duke qepur edhe 500 të tjera. Janë nxënësit e profilit të tekstilit të shkollës së mesme profesionale “Zenel Hajdini” në Ferizaj, të cilët kanë prodhuar maska për nxënësit e kësaj shkolle, meqë ato janë bërë të domosdoshme në luftën kundër virusit COVID-19.

Festim Tahiri, i cili pasi të përfundoj shkollën e mesme pretedon të bëhet dizajner, thotë se po të kenë më shumë makina qepëse do të prodhojnë maska për të gjitha shkollat e Ferizajt.

”I kemi qepur 1 mijë maska, 500 për shkollën tonë, 500 për një shoqatë që i ka kërkuar, por po të kemi më shumë makina mundemi me prodhu maska edhe për shkollat e Ferizajt dhe më gjerë. Kështu që na duhen makina dhe materiale”, tha nxënësi Festim Tahiri.

Bjonda Krasniqi, profesoreshë e lëndës së dizajnit, tha se nxënësit në të njëjtën kohë po kryejnë dy punë, po prodhojnë maska, por edhe po ngriten profesionalisht.

“Ky projekt është financuar nga ”IPEDU” që na ka siguruar materialin e nevojshëm, ideja ka qenë e drejtorit të shkollës e mandej është përkrahur edhe nga nxënësit. Është maskë dy-përdorimëshe, po ashtu mund edhe të pastrohet. Nxënësit janë shumë të përgatitur dhe janë duke punuar intensivisht. Nxënësit janë duke u ambientuar edhe më shumë me makinën me këtë rast”, theksoi Krasniqi.

Krasniqi tregon se kanë filluar të kenë kërkesa edhe nga organizata të ndryshme që t’i furnizojnë me maska, por se u duhen materiale dhe makina shtesë.

“Kemi pasur edhe porosi nga një organizatë, gratë të cilat janë të prekura me kancer, ku ka qenë porosia mbi 200 maksa dhe i kemi kryer për dy ditë dhe i kemi dhuruar ato. Nëse ka donatorë që munden me na ndihmu me materiale ne mundemi me prodhu maska edhe për shkolla të tjera, por edhe për njerëz të vendeve të ndryshme të punës”, tregoi Krasniqi.

Profili i dizjanit është më i kërkuari nga nxënësit që dëshirojnë të bëhen pjesë e kësaj shkolle.

Ferizaj

Në Ferizaj raportohen katër bankënota të dyshuara nga 500 €

Published

7 days ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

7 days ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

2 weeks ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.