Ferizaj

Shkolla e fshatit Biçec bëhet me mini-bibliotekë

Published

6 years ago

16 October, 2020

Mungesa e bibliotekave nëpër shkollat e vendit e veçanërisht atyre nëpër fshatra, po e shton interesimin e donatorëve që të krijojnë hapësira të tilla.

Kështu u veprua edhe në shkollën “Jusuf Gërvalla” në fshatin Biçec të Kaçanikut, ku banorë të atij lokaliteti dhe donatorë të tjerë krijuan një mini-bibliotekë në shkollën e fshatit.

Njëri ndër iniciatorët e krijimit të kësaj mini-biblioteke Flamur Sallahu, thotë se për momentin kanë sjellur rreth 300 tituj, por synim kanë që ta pasurojnë atë edhe me libra të tjerë. Ai shpreson që nisma e tyre të ndiqet edhe nga të tjerët në mënyrë që të gjitha shkollat e kësaj komune të bëhen me mini-biblioteka.

“Para dy jave e kemi themeluar këtë mini-bibliotekë, më pas do ta zgjerojmë nga viti i ardhshëm ku ka me pas më shumë investime, janë mbi 300 tituj, ka libra të ndryshëm duke filluar nga romane, lektyra, libra të gjuhëve të huaja, është njëfarë mundësie e mirë edhe për nxënësit e kësaj ane”, tha Sallahu.

Sallahu thotë se projekte të tilla kanë nisur që 4 vite.

”Ideja ka qenë shumë më herët, ne para 4 viteve së bashku me Vanesa Sadriun, Agon Zhinipotokun e kemi pas themeluar bibliotekën në Slivovë, pastaj në Sazli e Balaj dhe tani në fshatin Biçec pasi është vendlindja ime dhe desha që ta shpërblej në përgjithësi gjithë fshatin”, tha Sallahu.

Nxënësve u pëlqeu kjo iniciativë, për çka edhe u shprehën falënderues.

“Ide shumë e mirë, ne kemi nevojë me lexu libra dhe na ka ndihmuar shumë”, tha Loresa Dullovi, nxënëse.

“Shumë mirë që tani jemi me bibliotekë, ne kemi nevojë të gjithë me lexu shtesë dhe është shumë mirë, tani s’kemi nevojë me ble libra mundemi me i marrë këtu”, tha Arta Sallahu, nxënëse.

Në këtë shkollë vijojnë mësimet rreth 300 nxënës.

Ferizaj

Një burrë theret me kaçavidë nga dy persona në Ferizaj

Published

2 hours ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

24 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.