Kosovë

Familja Terziu bëhet me shtëpi të re falë ”Feniks”-it dhe donatorëve

Published

5 years ago

17 December, 2020

Në prag të festave të fundvitit familja 5 anëtarëshe Terziu nga komuna e Kaçanikut, është bërë me shtëpi të re falë pronarëve të marektit ”Eli-Ab” dhe shoqatës humanitare ”Feniks”.

Kryetari i shoqatës “Feniks” Milaim Jashari, falënderoi pronarët e marketit ”Eli-Ab” të cilët përveç ndërtimit të shtëpisë, kësaj familje ia siguruan edhe truallin.

“Në këtë shtëpi ka investuar ”Eli-Ab”-i, së pari ia ka blerë truallin kësaj familje dhe më pas e ka ndërtuar shtëpinë 12 mijë e 500 euro, punën më të madhe e ka bërë ”Eli-Ab”-i. Ne kemi kënaqësi që punojmë me këtë kompani dhe jemi shumë krenarë që e kemi këtë popull dhe po ndihmon këto familje”, tha Jashari.

Gjatë dorëzimit të çelësave të shtëpisë së re për këtë familje, i pranishëm ishte edhe kryetari i komunës së Kaçanikut Besim Ilazi, i cili tha se në këtë kohë pandemie janë munduar që si komunë t’iu ndihmojnë familjeve nevojtare.

“Jemi munduar që në këtë situatë pandemie të ndihmojmë qytetarët, këtë vit kemi shpërndarë mbi 4 mijë pako ushqimore për familjet në nevojë, por falënderues më së shumti jemi ndaj donatorëve, e në këtë rast ndaj kësaj kompanie dhe kësaj shoqate që po ndihmojnë këto familje“, tha Ilazi.

Kryefamiljari Hamit Terziu falënderoi donatorët të cilët ia mundësuan që të bëhet me shtëpi të re.

”Ndjehem shumë mirë, falënderoj Milaim Jasharin, ”Eli-Ab”-in, kryetarin dhe të gjithë ata që më ndihmuan”, tha Terziu.

Shoqata ”Feniks” këtë vit ka ndërtuar 17 shtëpi, 6 prej tyre në Kukës të Shqipërisë dhe 11 tjera në qytete të ndryshme të Kosovës.

Kosovë

Sot nis numërimi i votave të kandidatëve për deputetë

Published

17 hours ago

08 June, 2026

Redaksia

Në Qendrat Komunale të Numërimit sot pritet të nisë procesi i numërimit të votave të kandidatëve për deputetë.

Zëdhënësi i KQZ-së Valmir Elezi, ka thënë se paraprakisht do të bëhet verifikimi i rezultateve të subjekteve politike nga formularët e plotësuar në vendvotime.

Elezi gjithashtu bëri të ditur se sot në ora 16:30, do të mbajnë konferencë për media ku edhe do të njoftojnë për fillimin e verifikimit /numërimit në të gjitha komunat si dhe për të gjitha aktivitetet e KQZ-së në ditët e ardhshme.

Nga publikimi i fundit i rezultateve preliminare të zgjedhjeve të 7 qershorit, nga 99.44% të votave të përpunuara, Lëvizja Vetëvendosje ka marrë në 42.91 % të votave pasuar nga Partia Demokratike e Kosovës me 21.08% dhe Lidhja Demokratike të Kosovës me 17.60% të votave. Ndërkaq Aleanca për Ardhmërinë e Kosovës fitoi 7.17 % të votave.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.

Kosovë

Mbeten edhe 14 kuti votimi të pa numëruara

Published

17 hours ago

08 June, 2026

Redaksia

Nga publikimi i fundit i rezultateve preliminare të zgjedhjeve të 7 qershorit, vërehet se nga 2498 kuti kanë mbetur të numërohen edhe 14 sosh.

Sipas faqes së Komisionit Qendror të Zgjedhjeve nga 99.44% të votave të përpunuara, Lëvizja Vetëvendosje ka marrë në 42.91 % ose 297.363 vota. E dyta renditet Partia Demokratike e Kosovës me 21.08% apo me 146.108 vota. Lidhja Demokratike të Kosovës ka marrë 17.60 % apo 121.987 vota, ndërkaq Aleanca për Ardhmërinë e Kosovës me 7.17 % apo 49.712 vota.

Kjo përqindje nuk përfshin votat nga vendvotimet me kusht, votat e personave me nevoja të veçanta dhe ato të votimit jashtë Kosovës.

Diasporë

Mërgata voton në përfaqësitë diplomatike në zgjedhjet parlamentare të Kosovës

Published

2 days ago

06 June, 2026

Redaksia

Mijëra shtetas të Kosovës që jetojnë jashtë vendit po votojnë të shtunën fizikisht në përfaqësi diplomatike të Kosovës për zgjedhjet e parakohshme parlamentare të 7 qershorit, njoftoi Komisioni Qendror i Zgjedhjeve (KQZ).

Mbi 27.000 shtetas të Kosovës me të drejtë vote janë regjistruar për të votuar në 30 përfaqësi diplomatike të Kosovës në 18 shtete të ndryshme të botës.

Në të gjitha këto përfaqësi është duke u zhvilluar votimi, tha të shtunën zëdhënësi i KQZ-së, Valmir Elezi, në një konferencë për media në Prishtinë.

Deri në orën 13:00 kanë votuar 38.97 për qind apo 10.804 votues, bëri të ditur Elezi.

Vendvotimet në përfaqësi diplomatike dhe konsullore do të jenë të hapur prej orës 07:00 deri në ora 19:00, sipas kohës lokale në vendet përkatëse.

Ky numër votuesit është vetëm një pjesë e një rekordi prej mbi 110.000 votuesve nga mërgata që janë regjistruar për të votuar në zgjedhjet e 7 qershorit.

Votimi po zhvillohet në vende si Gjermani, Zvicër, SHBA, Kanada, Itali, Francë, Britani e Madhe, Belgjikë, Suedi, Austri, Norvegji, Slloveni, Danimarkë, Turqi, Kroaci, Holandë, Hungari, Çeki etj.

Votimi në përfaqësi diplomatike ishte mundësuar për herë të parë në zgjedhjet parlamentare të 9 shkurtit të 2025, ndërsa më herët kishte qenë i mundur vetëm votimi përmes postës.

Zgjedhjet e parakohshme parlamentare në Kosovë po mbahen pasi Kuvendi i Kosovës nuk arriti ta zgjedhë presidentin e ri brenda afateve kushtetuese.

Partitë politike nuk arritën konsensus rreth zgjedhjes së presidentit pasi Vjosa Osmanit i përfundoi mandati pesëvjeçar në fillim të prillit.

Këto do të jenë zgjedhjet e treta parlamentare në 18 muajt e fundit në Kosovë, pas zgjedhjeve të mbajtura në shkurt dhe dhjetor të vitit 2025.

| Radio Evropa e Lirë