Ferizaj

40 të infektuar me COVID-19 të shtrirë në Spitalin e Ferizajt

Published

6 years ago

23 December, 2020

40 pacientë të infektuar me COVID-19 janë duke u trajtuar në Spitalin e Ferizajt. Megjithatë, sipas udhëheqësve të këtij institucioni shëndetësor, numri i të shtrirëve me COVID-19 në këtë spital ditëve të fundit ka shënuar rënie të dukshme në krahasim me javët që lamë pas.

“E kemi një situatë pak më të relaksuar, kemi vizita specialistike më pak sa i përket COVID-19, në përgjithësi në spitalin tonë i kemi 40 pacientë që janë të hospitalizuar, kemi një rënie të konsiderueshme të pacientëve në krahasim me ditët që lamë pas. Sa i përket ventilimit mekanik nuk kemi asnjë pacientë, nga ky numër i përgjithshëm vetëm 3 pacientë i kemi në gjendje serioze, ndërsa pacientët e tjerë gëzojnë shëndet të mirë dhe në ditët në vazhdim pritet t’i lirojmë. Nga 50-60 vizita specialistike për COVID që i kemi, ka rënë numri në afërsisht 20 vizita”, tha Jeton Zeqiri, drejtor i Spitalit të Ferizajt.

Sa i përket mungesës së ilaçit më të nevojshëm për COVID-19, atë kundër trashjes së gjakut, ”Fraxiparinë”, drejtori i Spitalit të Ferizajt tha se nga dita e djeshme janë furnizuar edhe me këtë injeksion.

“Ne në vazhdimësi kemi furnizim me barna, mund t’i kemi disa mungesa që munden me qenë ditore për arsye se operatorët ekonomik që ne furnizohemi kanë ankesa për shkak të rritjes së numrit të pacientëve dhe as ata nuk kanë mundur me u furnizu nga fabrikat, mirëpo gjatë kësaj periudhe ne kemi pasur edhe disa donacione, kështu që qysh nga dita e djeshme jemi furnizuar edhe me ”Fraxiparinë” nga Ministria e Shëndetësisë”, tha Zeqiri.

Në këtë spital për shkak të COVID-19 ende vazhdojnë të mos kryhen disa shërbime spitalore.

“Siç e dini në fillim shërbimet spitalore me rekomandime të Ministrisë së Shëndetësisë të gjitha shërbimet specialistike janë ndaluar, ndërsa Gjinekologjisë i kemi siguruar hyrje të veçantë, ndërsa Emergjenca Primare është duke i kryer të gjitha shërbimet vitale”, tha Zeqiri.

Drejtori i Spitalit të Ferizajt, bëri apel tek qytetarët që të jenë të durueshëm dhe të vazhdojnë të rrisin kujdesin edhe pak kohë derisa të filloj procedura e vaksinimit, e sidomos këto ditë kur është rritur numri i bashkatdhetarëve.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.