Ferizaj

Mustafa: LDK-në e braktisëm në pamundësi të reformimit

Published

6 years ago

28 December, 2020

Lidhja Demokratike e Kosovës në Ferizaj ka mbetur me vetëm 6 asamblistë në Kuvendin Komunal, nga gjithsej 12 sa i kishte.

Burim Karameta, Balton Dërguti, Hesat Shatrolli, Ekrem Mustafa dhe Hysnije Mustafa-Shamolli, tashmë e kanë bërë publike largimin e tyre nga LDK-ja ku në mënyrë të hapur kanë shprehur përkrahjen ndaj iniciativës së Vjosa Osmanit për t’i hyrë garës zgjedhore me listë të veçantë.

LDK-në dje e braktisi edhe asamblistja tjetër nga ky subjekt Yllkë Neziri, e cila iu bashkua partisë së Albin Kurtit.

Ekrem Mustafa që është pjesë e të larguarve nga LDK-ja, thotë se janë munduar që të gjejnë kompromis për të mos e braktisur partinë, por një gjë të tillë nuk kanë mundur ta arrijnë me kryesinë e LDK-së së Ferizajt.

“Ne pas shumë përpjekjeve për unifikim të partisë, disa asamblistë e kemi marrë një iniciativë ku kemi biseduar me shumë aktivistë, anëtarë të kryesisë ku ne hasëm në vesh të shurdhër tek organet e LDK-së dhe ne në pamundësi të reformimit të partisë zgjodhëm ta takojmë Vjosa Osmanin që e ka pas të njëjtën përpjekje për ta ruajtur frymën rugoviane, por edhe ajo sikur ne ka hasur në vesh të shurdhër. LDK është kapur nga individë, anëtarësia mendon ndryshe, ndërsa shumica ndryshe, edhe elektorati e ka mendimin që të përkrahet Vjosa Osmani”, tha Mustafa.

Gëzim Kokollari, i cili më herët ishte pjesë e këtij grupi, siç ishte thirrur për unifikimin e LDK-së në Ferizaj, tha se është distancuar nga veprimi i ish-kolegëve të tij partiak.

Kokollari thotë se ata i janë nënshtruar një euforie publike, për të cilën do të pendohen dhe do të kthehen përsëri aty ku ishin.

“Për fat të keq shpeshherë njerëzit brenda subjekteve politike nuk po arrijnë atë kompromisin që të jetojnë dhe bashkëveprojnë me konkurrencën politike, kjo vlen edhe për ata që janë brenda partisë politike për t’iu krijuar hapësirë njerëzve të rinj, por kjo vlen edhe për ata që kanë dalë nga subjekti politik pasi do të duhej të bëhej luftë brenda subjektit politik, kjo për të mirë të subjektit dhe qytetarit. Megjithatë, ne secilin prej tyre e vlerësojmë për kontributin që kanë dhënë. Partia politike është aktivitet i lirë politik që LDK nuk ka mekanizëm se si t’i ndalë përtej se t’iu ofroj hapësirën që ua ka ofruar deri më tani”, tha Gëzim Kokollari.

Deri më tani në Kuvendin Komunal të Ferizajt nga LDK-ja kanë mbetur vetëm Muharrem Svarqa, Shkëlzen Selmani, Imri Hashani, Gëzim Kokollari, Bahrije Hyseni dhe Jehona Mustafa.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar