Ferizaj

Përurohet fusha e futbollit në Prelez të Muhaxherëve

Published

6 years ago

29 December, 2020

Banorët e fshatit Prelez të Muhaxherëve përuruan fushën e futbollit në këtë fshat e cila do ta mbaj emrin e veprimtarit tashmë të ndjerë Daut Vranovci. Kjo fushë futbolli e financuar nga familja Vranovci që jeton jashtë Kosovës, u tha se do t’i ndihmoj gjeneratat e reja për t’i zhvilluar talentet e tyre në këtë sport.

“Si fëmijë ne shumë e kemi dashur futbollin, por asnjëherë nuk kemi pasur kushte që të luajmë si duhet. Tani që janë krijuar kushtet dhe mundësitë ne kemi menduar për gjeneratën e re të këtij vendi. Ta gëzojnë këtë stadium meqë ne nuk kemi mundur”, tha Besim Vranovci, investitor.

Në përurimin e kësaj fushe futbolli i pranishëm ishte edhe kryetari i komunës së Ferizajt Agim Aliu, i cili falënderoi familjen Vranovci për këtë investim.

“Falë zemrës së madhe dhe falë një gatishmërie që ka treguar familja Vranovci sot po bëhet ky stadium. Kjo është diaspora jonë, këta janë vëllezërit e motrat tona të cilët edhe pse nuk jetojnë në vendlindjen e tyre asnjëherë nuk e harrojnë atë”, tha Aliu.

Në këtë përurim u ndan mirënjohje për lojtarët e këtij fshati, të cilët kujtuan kohën kur kanë luajtur futboll në këtë hapësirë.

“Ne si ekip kemi luajtur qysh nga vitet 70-ta, mirëpo kushtet nuk kanë qenë që janë sot, uroj që gjeneratat e reja tani me këto kushte të ecin përpara. Sot po më kujtohet kur kemi luajtur në këtë vend që ka qenë gropa-gropa e kemi luajtur edhe zbathur, e tash kjo kohë nuk mund të përshkruhet nga të mirat”, tha Qazim Reka.

“Këto kushte nuk i kemi pasur, na kanë ndjekë, na kanë maltretu, na kanë dënu gjatë okupimit derisa ne luanim, e sot po i harroj të gjitha ato vuajtje kur po i shoh këto kushte që janë bërë”, tha Kadri Lalinovci.

Kjo fushë futbolli familjes Vranovci i kushtoi më shumë se 30 mijë euro.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

11 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.