Ferizaj
Mbyllet për qarkullim “vepra madhore” e Varoshit
Mëngjesi i sotëm i zuri në befasi banorët e Varoshit, kur e kuptuan se nënkalimi i ri në daljen kryesore të fshatit të tyre ishte i tëri i mbytur në ujë. Disa vozitës nga ky fshat e patën vështirë të depërtonin nëpër nivelin e lartë të ujit që ishte mbledhur aty dhe u detyruan të gjejnë rrugë alternative të daljes nga fshati.
(11 Janar 2020, FB) në foto, disa vozitës të ngujuar tek nënkalimi në Varosh
Dikush nga përgjegjësit e projektit e ka bërë mbylljen e përkohshme të këtij nënkalimi me shirita të verdhë, që të parandalohet mundësia e ndonjë aksidenti të sërishëm në projektin e infrastrukturës “Bashkimi i Qytetit”, pjesë e të cilit është edhe nënkalimi tek fshati Varosh-Nikadin.
Ky nënkalim ishte hapur më 17 Nëntor 2020, dhe asokohësh nga ana e udhëheqjes komunale të Ferizajt u prezentua me pompozitet si një “vepër madhore” infrastukturore. Mirëpo fotot nga terreni po flasin se projektimi i drenazhimit të ujërave në këtë “vepër” ka lënë shumë për të dëshiruar, ndërkaq shumë qytetarë të Ferizajt tashmë kanë lansuar kritika përmes platformave online. Ndër ta ishte edhe deputeti i Vetëvendosjes nga Ferizaj, Enver Haliti, i cili mbledhjen e ujit tek nënkalimi i ri e “pagëzoi” me “Liqeni i Varoshit”. Që nga orët e para të mëngjesit, nuk mungojnë as idetë kreative të qytetarëve në Facebook, të cilët me humor e kritikojnë dështimin e sotëm në Varosh.
Policia Rajonale në Ferizaj ka njoftuar se brenda 24 orëve të fundit është raportuar një aksident trafiku ku si pasojë u lëndua një person. Gjatë këtij harku kohor njësitet e trafikut kanë shqiptuar gjithsej 240 gjoba për kundërvajtje.
Më së shumti janë shqiptuar gjoba për tejkalim të shpejtësisë, 74 sosh dhe 48 të tjera për mosrespektim të shenjave të komunikacionit.
Po ashtu, si rezultat i shkeljeve të rënda të rregullave të trafikut, policia ka konfiskuar 1 automjet, 4 skuterë/motoçikleta dhe 4 patentë shoferë.
-
Kosovë1 week agoRutte: KFOR-i në të ardhmen do të ketë deri në 3.500 trupa
-
Ferizaj1 week agoSekuestrohen 60 kg marihuanë dhe arrestohen katër të dyshuar
-
Kosovë1 week agoPas votave me postë afër përfundimit edhe numërimi i votave me kusht
-
Botë1 week agoZvicra konfirmon shtyrjen e bisedimeve SHBA-Iran
-
Ferizaj2 days agoArrestohen dy persona në Ferizaj për sulm dhe therje me thikë
-
Ferizaj1 week agoFerizajasi dorëzon në polici portofolin e gjetur me dokumente dhe 160 €
-
Botë4 days agoEvropa në valën e të nxehtit: Temperatura deri në 44°C
-
Botë4 days agoSHBA-ja dhe Irani janë pajtuar për një plan drejt arritjes së marrëveshjes përfundimtare, thonë ndërmjetësit
-
Kosovë2 days agoLDK-ja kërkon Presidencën: Abdixhiku ose Haziri
-
Ferizaj6 hours agoPolicia në Ferizaj shqipton 240 gjoba trafiku në 24 orët e fundit