Ferizaj

Mbyllet për qarkullim “vepra madhore” e Varoshit

Published

5 years ago

11 January, 2021

Mëngjesi i sotëm i zuri në befasi banorët e Varoshit, kur e kuptuan se nënkalimi i ri në daljen kryesore të fshatit të tyre ishte i tëri i mbytur në ujë. Disa vozitës nga ky fshat e patën vështirë të depërtonin nëpër nivelin e lartë të ujit që ishte mbledhur aty dhe u detyruan të gjejnë rrugë alternative të daljes nga fshati.

(11 Janar 2020, FB) në foto, disa vozitës të ngujuar tek nënkalimi në Varosh

Dikush nga përgjegjësit e projektit e ka bërë mbylljen e përkohshme të këtij nënkalimi me shirita të verdhë, që të parandalohet mundësia e ndonjë aksidenti të sërishëm në projektin e infrastrukturës “Bashkimi i Qytetit”, pjesë e të cilit është edhe nënkalimi tek fshati Varosh-Nikadin.

Ky nënkalim ishte hapur më 17 Nëntor 2020, dhe asokohësh nga ana e udhëheqjes komunale të Ferizajt u prezentua me pompozitet si një “vepër madhore” infrastukturore. Mirëpo fotot nga terreni po flasin se projektimi i drenazhimit të ujërave në këtë “vepër” ka lënë shumë për të dëshiruar, ndërkaq shumë qytetarë të Ferizajt tashmë kanë lansuar kritika përmes platformave online. Ndër ta ishte edhe deputeti i Vetëvendosjes nga Ferizaj, Enver Haliti, i cili mbledhjen e ujit tek nënkalimi i ri e “pagëzoi” me “Liqeni i Varoshit”. Që nga orët e para të mëngjesit, nuk mungojnë as idetë kreative të qytetarëve në Facebook, të cilët me humor e kritikojnë dështimin e sotëm në Varosh.

Ferizaj

Punëtori që ra nga kulmi i një objekti në Babush u dërgua në QKUK

Published

16 hours ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

1 day ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

7 days ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.