Ferizaj

Vjosa i rrëmben zemrat e Ferizajasve

Published

5 years ago

27 January, 2021

Kryetarja e inciativës “Guxo”, Vjosa Osmani, së bashku me disa kanditatë për deputet të listës së saj dhe të Lëvizjes Vetëvendosje ka qëndruar sot për vizitë në Ferizaj.
Osmani, vizitën në këtë komunë e nisi në fshatin Prelez, ku u prit nga përkrahës të shumtë të saj në këtë fshat. Këtu Osmani derisa u kërkoi që të votojnë listën e saj të përbashkët me Vetëvendosjen, tha se 14 shkurti do të jetë ditë e rizgjimit sikur që ishte ajo e viteve të 90-ta.
“Nuk kemi ardhur me për me dhanë premtime megalomane por ajo që ju premtojmë është që do të bëjmë punë të ndershme e nuk do të keqpërodim besimin tuaj. Na duhet një rizgjim sikur i viteve të 90-ta prandaj duhet të vendosim mes së ardhmes dhe të kaluarës”,tha Osmani.

Pas Prelezit, Osmani u takua edhe me simpatizantë të saj në fshatin Greme. Këtu, ajo u tha se nuk ka forcë që e ndal suksesin e referendumit derisa e kishte fjalën për listën e Vetëvendosjes, pjesë e së cilës është edhe ajo me kandidatët e listës së saj.
“Nuk ka forcë që mundet me ndal suksesin e Kosovës. Jeni duke i pa zhvillimet e fundit, por ju garantojmë se nuk mundenme bë asgjë, sepse nuk ka forcë që mundet me ndal një popull të tërë, pasi jemi duke e parë të gjithë që vullneti i qytetarit është i qartë “, tha Osmani.
Gjatë vizitës së bërë në Ferizaj, Osmani vizitoi edhe disa biznese në Greme të Ferizajt, e nderoi me vizitë familjen e veprimtarit Hyzri Varoshi, si dhe përuroi zyret e iniciativës së saj “Guxo” në Ferizaj.

Ferizaj

Punëtori që ra nga kulmi i një objekti në Babush u dërgua në QKUK

Published

17 hours ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

2 days ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

7 days ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.