Ferizaj

Lëvizja për Bashkëveprim synon përfaqësimin dinjitoz të ashkalinjve

Published

6 years ago

08 February, 2021

Lëvizja për Bashkëveprim është subjekti më i ri i regjistruar në Komisionin Qendror të Zgjedhjeve, që për herë të parë do të jetë pjesë e zgjedhjeve në vend.

Me seli qendrore në Ferizaj, përfaqësues të këtij subjekti thonë se Lëvizja për Bashkëveprim është themeluar për të ngritur zërin qytetarë dhe për të mbrojtur interesat e komunitetit ashkali.

Jeton Emin nga ky subjekt politik, thotë se komuniteti pakicë nuk ka pasur asnjë parti që i ka përfaqësuar denjësisht ata.

“Lëvizja për Bashkëveprim më së shumti është krijuar për shkak të mllefit politik ndaj partive tjera që janë në skenën politike për shkak të mospunës, angazhimit e premtimeve të parealizuara, prandaj ne kemi ofruar edhe një ofertë politike e cila është ofertë për qytetarët”, tha Emini.

Emini thotë se gjatë procesit të regjistrimit ka pasur tentime për t’ua ndalur regjistrimin si parti.

“Si parti të reja duhet të mbledhen mbi 1 mijë nënshkrime dhe ne e kemi bërë këtë, por kemi pasur edhe sulme me tendenca që me na largu nga gara politike, kemi pas edhe njoftime që krejt në fund na kanë njoftu me mbledh nënshkrime shtesë, por ne i kemi bërë të gjitha dhe sot jemi pjesë e garës dhe është partia e parë që i ka përmbushur kriteret për regjistrim”, tha Emini.

Emini i cili është edhe kandidat për deputet në këto zgjedhje nga ky subjekt, thotë se Lëvizja për Bashkëveprim nuk synon që të marrë pozita udhëheqëse, por pretendon gjithëpërfshirjen në të gjitha dikasteret.

“10 pikat e LPB fokusohen në përmirësimin e jetës së qytetarit, është banimi i qëndrueshëm, punësimi, zhvillimi ekonomik është pikë e veçantë sa i përket programeve politike që bëhen tek komunitetet e tona, siç dihet komunitetet kanë probleme me plotësimin e aplikacioneve për të apikuar në skema dhe ne kemi menduar që të hapim zyre të veçanta për këto probleme që kanë qytetarët tanë. Pikë tjetër është shëndetësia dhe mirëqenia sociale, arsimi, kultura si dhe përfaqësimi politik, ku tek kjo e fundit partitë që kanë qenë janë fokusuar tek pazaret politike të tipit të zëvendësministrit, ne nuk jemi të fokusuar tek këto pozita, por tek gjithëpërfshirja në dikastere ku më së shumti kemi nevojë”, tha Emini.

Lëvizja për Bashkëveprim në zgjedhjet e 14 shkurtit do të garoj me 25 kandidatë për deputetë në Kuvendin e Kosovës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar