Ferizaj

Kandidatët e PDK-së për deputetë takohen me artistë ferizajas

Published

6 years ago

11 February, 2021

Kandidatët për deputetë në Kuvendin e Kosovës nga Partia Demokratike e Kosovës në Ferizaj, së bashku me kryetarin e kësaj partie në këtë qytet Agim Aliun, në kuadër të fushatës zgjedhore u takuan sot me artistët ferizajas.

Aliu në emër të partisë kërkoi votën e artistëve të Ferizajt për kolegët e tij që janë në garë për deputetë në këto zgjedhje.

“Nuk është e mjaftueshme vetëm mburrja me ju, por është obligim për t’iu mbështetur dhe mbështetja ime do të jetë më e fuqishme, nëse kam krah dhe unë kam krah këta kolegë që i kam në garë politike dhe ju e dini që shumëçka varet nga mbështetja politike dhe këtë e kemi provuar çdo ditë që pa mbështetje politike janë të pamundura arritjet e ambicieve tona”, tha Aliu.

Pas Aliut fjalën e morën artistët të cilët shprehën kërkesat dhe shqetësimet e tyre.

“Brenga ime më e madhe është që festivalet që mbahen në Ferizaj të kenë buxhete më të mëdha, pra kërkesa ime më e madhe është që të rriten buxhetet e festivaleve”, tha Mentor Haziri.

“Pushtetet qendore dhe lokale nuk e kuptojnë nevojën e kulturës, uroj që zëri i artistëve mos të jetë një zë konsumi para zgjedhjeve, por një zë që ngritet. Ne kemi pasur raste kur kemi mbështetur individ, por që kur janë zgjedhur kanë heshtur”, tha Besim Ugzmajli.

“Do të kisha bërë një kërkesë që buxheti për kulturë dhe përkrahja për aktivitete kulturore të shtohet edhe më shumë, e sidomos për festivalet”, tha Astrit Mustafa.

Në këtë takim me artistët ferizajas folën edhe kandidatët për deputetë të PDK-së nga Ferizaj, të cilët premtuan se do të jenë zëri i tyre në Kuvend nëse arrijnë t’i marrin votat e nevojshme.

Ferizaj

Siguria juaj fillon me zgjedhjen e duhur të sigurimit

Published

1 hour ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 hour ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.