Ferizaj

Interesim i lartë i personave mbi 65 vjeç për vaksinën anti-COVID në Ferizaj

Published

6 years ago

19 February, 2021

Edhe pse akoma nuk dihet saktësisht se kur do të nis vaksinimi i popullatës kundër koronavirusit në Kosovë, qendrat mjekësore kanë nisur t’i ftojnë qytetarët mbi moshën 65 vjeçare që të regjistrohen për të marrë këtë vaksinë.

Në Qendrën e Vaksinimit në Ferizaj vetëm gjatë ditës së sotme janë regjistruar më shumë se 40 persona për t’u vaksinuar kundër virusit korona.

Ndër të parët që erdhi për t’u regjistruar në këtë qendër është 72 vjeçari Vahidin Hoxha nga Ferizaj, i cili thotë se ka qenë i infektuar me Covid-19, prandaj edhe dëshiron që të vaksinohet.

“E lexova në facebook për me u lajmëru, vaksina nuk ka ardhë ende, por unë erdha me u regjistru, unë kam shpreh dëshirën me marrë pasi kam qenë vet i infektuar më shumë se 1 muaj dhe shumë vështirë e kam kalur, prandaj dua me marrë”, tha Hoxha.

Drejtoresha e Qendrës Kryesore të Mjekësisë Familjare në Ferizaj Nadire Ymeri, tregon se qytetarët mund të regjistrohen në të gjitha qendrat e mjekësisë familjare në Ferizaj dhe në fshatra, por edhe përmes telefonit. Ajo tha se procesi i regjistrimit do të zgjasë deri në ardhjen e vaksinës.

“Nga sot ka filluar të bëhet evidenca e qytetarëve mbi moshën 65 vjeç, përfshirë edhe ata me sëmundje kronike të kësaj grup-moshe dhe më pas këto lista do të dërgohen në Institutin Kombëtar të Shëndetit Publik, pastaj ne do të presim edhe vaksinat anti-Covid për të filluar edhe vaksinimin”, theksoi Ymeri.

Doktoresha Drita Nazifi-Emini, u bëri thirrje qytetarëve që të lajmërohen për vaksinim.

“Ne e kemi përfunduar trajnimin për metodën e përgatitjes dhe të aplikimit të vaksinës anti-Covid-19 e cila do të jetë tek ne në fazën e parë vaksina “AstraZeneca” që është e miratuar nga OBSH-ja. Ne i ftojmë të gjithë qytetarët pa hezitim sepse kjo vaksinë është një mbrojtje për shëndetin e tyre. Kjo vaksinë pas dozës së parë duhet të merret përsëri doza e dytë e vaksinës që planifikohet të merret pas 4 jave e që zgjatë deri në 12 javë dhe aplikimi i dy dozave të vaksinave tek një pacient është një imuniteti i arritur deri në 94%, prandaj ftojmë qytetarët që ta marrin këtë vaksinë pasi është në mbrojtjen e shëndetit të tyre”, tha doktoresha Drita Nazifi-Emini.

Ajo thotë se edhe pse të moshuarit janë vaksinuar me vaksinën kundër gripit sezonal, vaksina anti-Covid duhet të merret prapë, pasi dallon me atë të gripit sezonal.

“Ne e kemi përfunduar vaksinën e gripit sezonal që dallon shumë nga kjo vaksinë, ajo e gripit sezonal ka qenë mbrojtja e pacientit nga katër lloje të virusëve, por në atë vaksinë nuk ka qenë edhe mbrojtja ndaj virusit Covid, prandaj është një vaksinë e veçantë vetëm për anti-Covid-19 që mund ta marrin të gjithë qytetarët, edhe ata të cilët e kanë kaluar Covid-19”, u shpreh Nazifi- Emini.

Pas vaksinimit të personave mbi moshën 65 vjeçare do të vaksinohet personeli shëndetësor, kurse më vonë qytetarët tjerë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

22 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar