Botë

Arabia e fut Favipiravir-in në protokolin primar COVID-19

Published

5 years ago

07 March, 2021

Ministria e Shëndetësisë së Arabisë Saudite në protokolin e fundit për luftimin e COVID-19 tek rastet e konfirmuara me PCR, e ka listuar mediakamentin Favipiravir si farmakoterapi primare.

Sipas këtij protokoli të azhurnuar më 22 Shkurt 2021, ky medikament rekomandohet të përdoret që nga dita e parë e paraqitjes së simptomeve dhe të vazhdojë përdorimi i tij 7 deri 10 ditë tek rastet e buta(mild) dhe mesatare(moderate), ndërsa tek rastet e rënda dhe kritike, rekomandohet edhe përdorimi opcional i antiviralit Remdesivir.

Arabia Saudite ka diku mbi 35 milionë banorë, ndërsa sa i përket menaxhimit tëpandemisë COVID-19, ky shtet renditet lartë në listen e vendeve me më së paku vdekje në 1 milion banorë (185), ndërsa që nga 1 dhjetori 2020, shifra e rasteve të reja nuk e ka kaluar 400 në ditë (20 herë më pak së në Kosovë për kokë banori).

Në Kosovë Favipiravir është licensuar për import nga Agjensia e Kosovës për Produkte dhe Pajisje Medicinale (AKPPM) më 1 shtator 2020 dhe gjendet në listën e barnave esenciale.

Këtu mund ta gjeni linkun e protokolit të ri shtetëror të Arabisë Saudite për COVID 19:

https://www.moh.gov.sa/Ministry/MediaCenter/Publications/Documents/MOH-therapeutic-protocol-for-COVID-19.pdf

Botë

Izraeli thotë se ka vrarë zyrtarë të lartë të inteligjencës iraniane

Published

1 week ago

02 March, 2026

Redaksia

Forcat Mbrojtëse të Izraelit (IDF) thanë se kanë vrarë zëvendësministrin e inteligjencës së Iranit për çështjet e Izraelit, Sayed Yahya Hamidi.

Jalal Pour Hossein, udhëheqës i divizionit të spiunazhit në Ministrinë e Inteligjencës, u vra gjithashtu, së bashku me “zyrtarë të tjerë të regjimit”, thuhet në njoftim.

Detaje se si, kur ose ku u vranë nuk jepen.

Por, shtohet se selia e Ministrisë së Inteligjencës në Teheran u godit “pak kohë më parë”.

| Radio Evropa e Lirë

Botë

Gjysmëhëna e Kuqe: Më shumë se 550 persona të vrarë në Iran

Published

1 week ago

02 March, 2026

Redaksia

Organizata iraniane Gjysmëhëna e Kuqe njoftoi të hënën se 555 persona janë vrarë në sulmet e përbashkëta të SHBA-së dhe Izraelit kundër Iranit.

Sipas raportit të saj, 131 qytete janë përfshirë nga sulmet që nga dita e parë e tyre më 28 shkurt.

Gjysmëhëna e Kuqe shtoi se operacionet e shpëtimit, ndihmës, transportit dhe shërbimeve mjekësore janë duke vazhduar.

| Radio Evropa e Lirë

Botë

Irani refuzon negociatat me SHBA-në, ndërsa Trump paralajmëron hakmarrje të fuqishme

Published

1 week ago

02 March, 2026

Redaksia

Kryetari i Këshillit Suprem të Sigurisë Kombëtare të Iranit, Ali Larijani, tha se Teherani “nuk do të negociojë” me Uashingtonin.

Ai i bëri komentet disa orë pasi presidenti i Shteteve të Bashkuara, Donald Trump, u zotua se do të vazhdojë t’i ndëshkojë “terroristët” me “forcën e plotë” të ushtrisë amerikane.

Në një postim në rrjetin X, Larijani shkroi:

“Ne nuk do të negociojmë me Shtetet e Bashkuara. Sot, kombi iranian po mbron veten”.

Të dielën, në një video gjashtëminutëshe që postoi në platformën e tij Truth Social, Trump tha se lufta kundër Iranit mund të zgjasë katër javë, megjithëse u duk se e la derën hapur për bisedime të mëtejshme me udhëheqësit mbijetues në Teheran.

“Në 36 orët e fundit, Shtetet e Bashkuara dhe partnerët e tyre po kryejnë Operacionin Tërbimi Epik – një nga ofensivat ushtarake më të mëdha, më komplekse dhe më dërrmuese që bota ka parë ndonjëherë”, tha Trump.

Ai shtoi se operacionet luftarake në Iran “po vazhdojnë me forcë të plotë” dhe “do të vazhdojnë derisa të arrihen të gjitha objektivat tona”.

| Radio Evropa e Lirë