Ferizaj

Fondi librar i bibliotekës së Ferizajt pasurohet me rreth 300 libra

Published

5 years ago

28 April, 2021

Fondit librar të bibliotekës së qytetit të Ferizajt “Sadik Tafarshiku”, iu shtuan edhe rreth 300 libra.

Këto libra u sollën nga deputeti Dimal Basha, i cili së bashku me vëllain e tij i mblodhën ato në bibliotekat e New York-ut.

Basha shpreson që këto libra do t’iu hyjnë në punë studentëve ferizajas, pasi ka tekste shkollore dhe shkencore.

Kur u pyet se si deputet a do të kërkojë nga Qeveria që të ndërtohet një objekt i ri i biliotekës së Ferizajt, ai pati këtë përgjigjje:

“Unë mendoj që janë prioritet dhomat e leximit. E pashë që Gjilani kishte një hapësirë shumë të mirë dhe se nuk ka asgjë më të mrekullueshme se me pas një bibliotekë të madhe ku munden me u mbajtë shfaqje dhe biblioteka mundet me punu më mirë, por edhe studentët me gjetë hapësirë edhe me studiu dhe me lexu gjatë kohës së lirë, kështu që unë mendoj që patjetër duhet të bëhet prioritet dhe duhet me u shty përpara dhe me u cilësu si prioritet i kësaj qeverie, që mendoj se do të jetë”, tha Basha.

Drejtoresha e bibliotekës “Sadik Tafarshiku”, Teuta Demiri, thotë se stafi i biliotekës është gjithmonë i lumtur për secilin donacion të librave që pranon, duke treguar se në çfarë forme pasurohet me libra kjo bibliotekë.

“Biblioteka gjithherë ka nevojë, sepse librat shumë po botohen edhe ribotohen dhe nuk është se biblioteka mund t’i ketë të gjithë titujt që botohen. Donacionet janë të mirëseardhura, jo 300 libra, por edhe një libër i vetëm nëse mund të vjen në bibliotekë atëherë biblioteka dhe lexuesit do të jenë shumë falënderues. Biblioteka asnjëherë nuk ka pasur një fond të përcaktuar të buxhetit për blerjen e librave, librat janë të financuara ekskluzivisht nga komuna dhe drejtoria për kulturë, duke u varur nga ata se sa do të ndajnë për blerjen e librave për bibliotekë“, theksoi ajo.

Salla e leximit të bibliotekës së qytetit të Ferizajt ka vend për 80 lexues, por për shkak të pandemisë aty lejohen të jenë vetëm 25 sosh.

Nga kjo bibliotekë vazhdimisht ka kërkesë për një objekt të ri me më shumë hapësirë, për shkak të rritjes së numrit të librave dhe lexuesve.

Ferizaj

Humb jetën një punëtor në një objekt në ndërtim në Ferizaj

Published

6 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.