Ferizaj

Topalli: Kosova ka arritur imunitetin e tufës, por qytetarët duhet vaksinuar

Published

6 years ago

04 May, 2021

Epidemiologu ferizajas Sylejman Topalli, konsideron se numri i të infektuarve me COVID-19 në Kosovë ka rënë, për shkak se popullata ka arritur imunitetin e tufës. Megjithatë, Topalli thotë se qytetarët duhet të vaksinohen kundër këtij virusi, sepse askush nuk e dinë agresivitetin e tij.

“Unë mendoj që një numër i madh i qytetarëve është infektuar, ka kriju imunitet dhe unë mendoj që po flitet në atë imunitetin e tufës, në këtë valën e tretë mendimi im është që Kosova e ka arritë një imunitet të tufës dhe tani veçse ka fillu zvogëlimi i numrit. Nuk ka ndonjë arsye tjetër, për shkak se 24 mijë doza të vaksinës nuk çojnë kurrëfarë peshe.

”Ne nuk e dimë a do të kemi valën e katërt, nuk e dimë agresivitetin e virusit, nuk do të dimë a është bërë ndonjë mutacion i virusit i cili nuk është ky virus. Tash po flitet tipi indian i cili ka vdekshmëri më të madhe, por kryesorja është që ne të marrim sa më shpejtë masa preventive duke vaksinuar popullatën në masë”, theksoi ai.

Sipas Topallit qytetarët nuk duhet të kenë skepticizëm ndaj vaksinës, duke treguar se në cilat raste mund të ketë probleme me vaksinim.

“Njerëzit të cilët kanë probleme me koagulim të gjakut, që ne i quajmë koagulopati dhe marrin terapi për këtë sëmundje, ata nuk duhet të vaksinohen ose të vaksinohen nën mbikqyrje të rreptë të mjekëve që i mjekojnë, sepse tek ata mundet me ndodhë shumë lehtë mpiksja, sepse ata veç kanë predisponimin e mpiksjes dhe vazhdimisht marrin terapi. Një moment tjetër rrallë i shpjeguar është se nëse bëhet vaksinimi dhe në të njejtën kohë personi sëmuret nga Covidi, sepse periudha e inkubacionit zgjatë prej 3 deri në 14 ditë, e në rast se e ke marrë vaksinën në ditën e dytë të infeksionit kur s’ke pas asnjë shenjë të Covid-it atëherë në organizëm ndodhin dy reaksione, reaksioni imunitar për prodhimin e antikorpeve, me një fjalë e tronditë krejt organizmin, ndaj vaksinës dhe reaksioni i dytë ndaj sëmundjes. Në këto raste mund të vie deri tek komplikimi, prandaj të gjitha ato raste të cilët janë në kontakt familjarë me Covid duhet të presin së paku 14 deri në 1 muaj për t’u vaksinuar me vaksinë anti-Covid sepse mund të komplikohen”, tregoi Topalli.

Ferizaj

Ndahet nga jeta veterani i UÇK-së, Avdi H. Ahmeti

Published

1 day ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.