Ferizaj

Dëmtohen pusetat në rrugën ”William Walker”

Published

3 years ago

06 May, 2021

Në rrugën ”Ëialliam Ëalker” në Ferizaj janë dëmtuar kapakët e pusetave. Banorët ankohen se pustetat e dëmtuara po ua rrezikojnë jetën qytetarëve që kalojnë në këtë rrugë.

Duke mos pranuar të flasin para kamerës, banorët tregojnë se për të mbuluar pusetat janë detyruar të vendosin saksi të luleve dhe kartonë.

Drejtori i Shërbimeve Publike në komunën e Ferizajt Arben Halili, thotë se vazhdimisht po kanë probleme me prishjen edhe largimin e pusetave.

“Pusetat vazhdimisht prishen, thehen, dëmtohen e ne i riparojmë vazhdimisht. Ka raste edhe kur janë vjedhë pusetat e hekurit, kryesisht kapakët. Rasti më i afërt është në fshatin Greme, rreth 50 kapakë të pusetave janë vjedhë, e kemi lajmëru rastin në Polici, i kemi vendosë të reja. Ka këso probleme vazhdimisht. Edhe tek rruga ”Ëilliam Ëalker” edhe ato riparohen, nuk ka ndonjë problem, këto ndodhin për çdo ditë, mundeni me pa edhe në rrugë të reja, sot ka qenë kapaku e nesër s’është. Ose e ka marrë dikush, ose është thy ose dëmtu, tonazhat e larta të kompanive që bartin materiale të rënda e dëmtojnë”, ai.

Pas realizimit të këtij raporti, komuna ndërmorri masa për të rregulluar pusetat në atë rrugë.

Ferizaj

Arrestohet një ish zyrtar i gjendjes civile në Ferizaj

Published

11 hours ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

1 day ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

1 day ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.