Ferizaj

Gjersa në Ferizaj “Lulëzon” betoni, kuvendarët e Vetëvendosjes vonojnë kthimin e drejtorisë së Inspeksionit

Published

5 years ago

31 May, 2021

Në seancën e sotme të Kuvendit Komunal të Ferizajt ishte paraparë që të votohet Propozim-Vendimi për Plotësimin dhe Ndryshimin e Statutit të Komunës në mënyrë që të krijohet Drejtoria e Inspektoratit.

Megjithatë gjatë diskutimit të rendit të ditës, grupi kuvendar i Lëvizjes Vetëvendosje kërkoi që ky propozim-vendim të shtyhet për në shtator.

“Para se të miratojmë rendin e ditës ne si Lëvizje kërkojmë që Plotësim-ndryshimi i Statutit të Komunës për formimin e Drejtorisë së Inspektoratit të shtyhet në seancën e shtatorit. Është e vërtetë që ne prej fillimit të mandatit kemi kërku që të formohet kjo drejtori, por në këtë rast nuk kemi një linjë buxhetore sa i përket formimit të drejtorisë, pasi edhe në buxhet vjetor nuk e kemi si linjë të veçantë buxhetore krijimin e kësaj drejtorie. Kishim kërku nga ekzekutivi këtë për në seancën e shtatorit kur edhe formojmë një vijë buxhetore të saktë për drejtorinë përkatëse ose në një kohë të pacaktuar”, Fitore Lipovica, kuvendare e Lëvizjes Vetëvendosje.

E, nga shumica e kuvendarëve u tha se nuk ka nevojë që të bëhet shtyerja e kësaj pike.

“Një sqarim në lidhje me propozimin e përfaqësuesit nga Lëvizja Vetëvendosje. Mendoj që nuk është arsye kjo sepse linja buxhetore ekziston, inspektorët veçse janë në punë. Qe tre vjet ka qenë edhe kërkesë e tyre që të bëhet Drejtoria e Inspektoratit mirëpo tani ka ardhë koha dhe momenti që mund të bëhet. Mendoj që Drejtoresha e Financave duhet me dhënë arsyetimin që nuk është arsye që me u shty kjo për linjën buxhetore. Prandaj kërkoj nga Drejtoresha e Financave që në mënyrë më të mirë t’i jap përgjijgie këtij arsyetimi të përfaqësuesëve të Lëvizjes Vetëvendosje”, tha Lulzim Abazi PDK.

Pavarësisht diskutimeve, propozimi i Lëvizjes Vetëvendosje për shtyrje të kësaj pike kaloi me 15 vota për dhe 12 kundër.

Në këtë mbledhje u shtuan edhe dy pika të rendit të ditës. Transferi i mjeteve sipas buxhetit të vitit 2021 dhe Bartja e mjeteve të të hyrave vetanake nga vitit 2020 në vitin 2021.

“Unë do të arsyetoja vetëm bartjen e të hyrave në kategoritë ekonomike të cilat i kemi bërë. Gjithsej në total i kemi 661,268 euro e 78 cent. Në subvencione kemi parapare që t’i bartim 390 mijë euro. Në mallera dhe shërbime 71 mijë e 268 euro e 78 cent. Tek projektet kapitale, kryesisht tek infrastruktura publike 200 mijë euro për projektet që prej përmbarusëve janë marrë dhe kanë mbetur pa mjete”, tha Sebahate Ajeti-Sadiku, Drejtoreshë e Financave.

Pika e Transferimit të mjeteve sipas buxhetit të vitit 2021 kaloi me 20 vota për, nëntë kundër dhe tre abstenime.

E Bartja e Mjeteve të të hyrave vetanake nga vitit 2020 në vitin 2021 kaloi me 37 vota për, pa vota kundër e abstenime.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

7 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar