Ferizaj

LDK nis procesin e zgjedhjes së kandidatit për kryetar të Ferizajt, zyrtarizimi në fund të qershorit

Published

5 years ago

04 June, 2021

Lidhja Demokratike e Kosovës në Ferizaj ka nisur procedurat për nominimin e kandidatit për kryetar të komunës dhe për asamblistë.
Gjatë ditës së djeshme kjo parti mbajti mbledhjen e Kryesisë ku disa anëtarë të saj shprehën dëshirën e tyre për të kandiduar për të parin e Ferizajt.
Personat të cilët shprehën interesimin e tyre janë: Bahrije Hyseni, Valon Halimi, Flamur Istrefi dhe Shpëtim Sojeva.

Kryetari i degës së LDK-së në Ferizaj Muharrem Svarqa, se procesi i kandidimeve për të parin e Ferizajt nga ky subjekt politik sapo ka filluar dhe se ende nuk ka asgjë përfundimtare.

“Kemi një hapje ndaj çdo prurje të re, ndaj njerëzve me kredibilitet dhe autoritet, ndaj figurave përfaqësuese dhe të pakontestuara politikisht. Figurat e tilla, ditëve dhe javëve në vijim do të konsultohen, por përpjestimisht brenda kryesisë së degës kanë shprehë interesim, por kjo është vetëm brenda kufijve të interesimit dhe dëshirave dhe disa kandidatë që janë veprimtarë të devotshëm të Lidhjes Demokratike. Ne në fazat e ardhshme do të bisedojmë, jo vetëm për këta kandidatë, por ndoshta edhe për të tjerë. E rëndësishme është që ne nuk kemi marrë asnjë vendim, kështu që qytetarët do ta dijnë që LDK akoma nuk e ka kandidatin e vet për zgjedhjet komunale”, tha Muharrem Svarqa, kryetar i degës së LDK-së në Ferizaj.

E, Valon Halimi, njëri nga anëtarët e LDK-së i cili ka shprehur ambicie për të kandiduar për të parin e Ferizajt, tregon se si po shkon procesi i përzgjedhjes së kandidatit brenda LDK-së.

“Dje veçse e kemi shpallur kandidaturën, realisht nominimin për kandidatë dhe në kryesinë e degës dhe strukturat e saj presim për të marrë besimin e tyre tutje për të qenë jo vetëm të nominuar, por edhe për të qenë kandidat potencial dhe shumë serioz për ta përfaqësuar LDK-në në zgjedhjet lokale të ardhshme”, theksoi Valon Halimi, LDK.

Ndërsa, kryetari i LDK-së në Ferizaj Muharrem Svarqa, duke treguar kriteret që duhet të plotësojë një kandidat për të marrë kandidaturën, thotë se vet nuk do të kandidoj për këtë post.

“Kriteret natyrisht lidhen me devotshmërinë ndaj LDK-së, përkushtimin, disiplinën, të gjithë ata që kanë punuar për LDK-në, ata që nuk e kanë shantazhuar partinë për interesa të ngushta personale ose grupore dhe të gjithë ata që fitoren e LDK-së e kanë përjetu si fitore të tyre personale edhe nëse personalisht nuk kanë qenë përfitues të LDK-së”, tha ai.

Kurse Halimi, i cili ndonëse thotë se edhe nëse nuk kandidohet për kryetar nga LDK do ta mbështesë cilindo që del si kandidat, tregon pse është pikërisht ai që duhet të kandidohet.

“Unë jam njëri nga qendërstarët e degës së LDK-së në Ferizaj. Jam njëri nga njerëzit që ka kontribuuar në rritjen e LDK-së në faza të ndryshme. Jam njëri nga ata që nuk e kam kushtëzuar asnjëherë partinë dhe nuk kam devalvuar dhe keqpërdorur LDK-në. Tani e pashë momentin dhe momentumin e duhur që të jap kontributin tim për të përfaqësuar në nivel komunal LDK-në dhe duke e lidhë interesin qytetarë me programin e LDK-së dhe ashtu do të jetë program që gërshetohet me interesat e qytetarëve që do të ketë për bazë mirëqenien dhe rritjen e cilësisë në arsim e shëndetësi, shërbime publike e projekte infrastrukturore, por edhe duke mos e lidhur jetën e qytetarëve shumë për betonin”, tha Valon Halimi.

Kandidati për kryetar të Ferizajt nga LDK pritet që të zyrtarizohet më së voni në fund të muajit qershor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar