Ferizaj

Fondit muzeor të Ferizajt i shtohen eksponate të farkëtarisë

Published

5 years ago

07 June, 2021

Muzeu i qytetit të Ferizajt sot u pasurua me eksponate të reja të farkëtarisë.
Qerim Shaqiri-Rusi, i dhuroi muzut mjetet me të cilat punoi babai i tij, Rexhep Rusi, një farkëtar i Ferizajt që nga lufta e dytë botërore.

“Në Ferizaj, njihet një ndër mjeshtrit e parë pas luftës së dytë botërore si ustah Rexhep Rusi. Për këto mjete ka qenë iniciativë e familjes tonë që të mos humben gjurmët e zejeve të ushtruara në periudha të ndryshme kohore”.
Shaqiri tregoi se babai i tij i ndjerë, kishte ndërtuar edhe gjilpërë goditëse të pushkës me mjete primitive për luftëtarin Avdyl Dura.”Kjo është mengele, ku shtrë ngohet metali me metal dhe punohen punë të ndryshme. Kjo daton nga fillimi i vitete 50′. E kulla ku është bërë rrahja e metaleve, është e kohës së invazionit gjerman, prindi sa punoi në minierën e kromit, gjermanët e shpërblyen me këtë kullë. Kjo është prerëse për llamarinë, e punuar nga dora e prindit tonë, është e veçantë. Ka shërby për llamarinat 10 deri në 20 milimetra. Kjo është kuti e punuar nga dora e prindit, ku i ka mbajtë disa prej veglave më specifike. Ndërkaq këtu poshtë shihet aparati saldues i blerë në Zagreb të Kroacisë, ku është ndër aparatat e parë të saldimit, vitin e prodhimit e ka 1966, është në gjendje të rregullt, asnjëherë deri në ditët e sotme nuk ka pasur ndonjë defekt, është prej aparatave të parë në komunën e Ferizajt”.

Ilir Bytyçi, përgjegjës për trashëgimi dhe muze thotë se me këtë dhurim, Shaqiri plotësoi fondin muzeor për zejën e farkëtarisë.

“Po shpresojmë që me kampanjën tonë “Ta pasurojmë muzeun”, kemi shpresu që ta përçojmë tek çdo person që ka gjëra antike ose me vlera muzeale t’i dhurojë për muezun e Ferizajt. Ky është ndër ata që iu përgjigj thirrjes tonë, po shpresojmë që nuk do të jetë i vetmi, sepse qëllimi i muzeut është të kompletojë fondet muzeore. Duke i kompletu ato ne arrijmë që para vizitorëve të kenë mundësi të shohin se si kanë jetu banorët e kësaj ane në periudha apo shekuj me radhë”

Rexhep Rusi, mjetet e të cilit iu dhuruan muzeut të Ferizajt, karrierën e kishte filluar si mjeshtër druri, për të kaluar më vonë në mjeshtrinë e farkëtarisë.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.