Kosovë

Shkolla në Ditë Zie

Published

5 years ago

07 June, 2021

Në vend të gjallërisë dhe shpresës, sot klasën e IV 5 të shkollës fillore “Emin Duraku” e mbushi heshtja, pikëllimi, ndërsa në vend të librave, mbi bankën e Yllit figuronin fotot e tij dhe ca lule të freskëta. Shokët dhe mësuesja e Yllit sot e ndalën mësimin, sepse sot po i thonë lamtumirën e fundit shokut dhe nxënësit që e deshtën shumë. Shtimja sot po mban zi, pas tragjedisë së djeshme të komunikacionit në Koshare, me ç’rast u shua familja e re Ramadani nga ky qytet. Xhaxhai i Naimit, prindit të Yllit i cili poashtu humbi jetën në këtë tragjedi, e kujton çunin e vogël me shumë emocion:

“Po fëmijë ka qenë, i mirë, i vogël. Pe shoh që po mërziten për te. Kem meshkuj boll por po mërziten, në fotografi kur po e shohin po qajnë krejt. Çka me ba, kjo ka ndodhë, tash s’kem çka bëjmë”.

Edhe për stafin e shkollës, dita e sotme e punës ishte shumë e rëndë, thotë drejtori Fidan Shaqiri:

“Ylli ka qenë nxënës i klasës së katërt dhe informacioni i tillë i cili vjen për fëmijët i shqetëson të gjithë, pa dallim… Në fakt sot për shkak të ndjeshmërisë edhe për shkak të dhimbjes së madhe që nxënësit të cilët janë në klasë me Yllin t’i dërgojmë në shtëpi për shkak dhimbjes së fëmijëve për shokun e tyre. Jemi detyruar ta thërrasim mësuesen e klasës, mësuesen Ibadete dhe ajo t’i njoftojë prindërit që të vijnë t’i marrin fëmijët e tyre në mënyrë që të mos shkaktohet më tepër dhimbje”

Për viktimat e këtij aksidenti, familjarët po presin ngushëllime në këtë vend. Familjari Sali Ramadani e përshkruan momentin kur dëgjuan për tragjedinë që kishte ndodhur në familjen e tyre

“Nëpërmjet telefonit i kemi pa, e kemi njoftë kerrin, kemi shku i kemi pa. Na thojshin që dy kanë vdekë në vend, djali edhe nusja, po ata po më duket që të katërt kishin vdekë aty, në vend kishin mbetë. Veç motra e tij është në Spital hala, ajo është në gjendje të rëndë se nuk e kemi pa… Nuk është lehtë katër anëtarë të familjes me i hjekë, me mbyllë derën”.

Pas tragjedisë së djeshme, kryetari i Shtimes Naim Ismajli bëri thirrje për kujdes të shtuar në komunikacion.

“Tash na presin pushimet e verës, ngarkesa e rrugëve do të jenë të mëdha nga bashkatëdhetarët tanë. Ta shtojmë kujdesin në komunikacion. Të kontribuojmë që të respektohen rregulalt maksimalisht. Ta ruajmë jetën e secilit qytetar, sepse është e rëndësishme”

Ceremonia e varrimit të familjes së Naim Ramadanit u mbajt në ora 17:00 në varrezat e Komunës së Shtimes.

Kosovë

Gazmend Hoxha jep dorëheqje si Drejtor i Policisë

Published

18 hours ago

30 October, 2026

Redaksia

Drejtori i Policisë së Kosovës, Gazmend Hoxha ka dhënë dorëheqje pesë ditë pas rastit të vrasjes së Arlinda Zemajt.

Dorëheqja e Hoxhës vjen një ditë pasi Policia e Kosovës pezulloi nga puna 11 zyrtarë të saj derisa ka filluar hetimin për trajtimin e rastit të Arlinda Zekajt.

Në njoftimin e kryeministrit Albin Kurti bëhet e ditur se ka pranuar kërkesën e Gazmend Hoxhës për lirimin nga detyra , derisa me propozim të ministrit të Punëve të Brendshme, Xhelal Sveçla, për ushtrues detyre të Drejtorit të Policisë është caktuar Fehmi Hoti.

Gazmend Hoxha ishte emëruar drejtor i përgjithshëm i Policisë së Kosovës më 8 mars 2023, kurse policisë iu bashkua në vitin 2000 prej kur edhe ushtroi disa pozita të rëndësishme drejtuese.

Kosovë

Suspendohen 11 zyrtarë policorë, kryeprokurorja e Pejës dhe prokurorja e rastit të Zekajt

Published

2 days ago

29 October, 2026

Redaksia

Një kryeprokurore, një prokurore dhe 11 zyrtarë policorë janë pezulluar lidhur me mënyrën se si ishin marrë me rastin e Arlinda Zekajt, e cila u vra nga kunati i saj, më 25 tetor në Vitomiricë të Pejës.

Kështu, Këshilli Prokurorial i ka suspenduar sot nga detyra kryeprokuroren e Prokurorisë Themelore në Pejë, Lumturije Vuçetaj si dhe prokuroren e rastit të Zekajt, Arlinda Nallbani Gacaferrin.

Ndaj tyre, Këshilli Prokurorial ka vendosur të iniciohen procedura disiplinore. Gjithashtu, Këshilli Prokurorial mori vendim që të caktojë Valbona Disha-Haxhosaj për Ushtruese të Detyrës së Kryeprokurorit në Prokurorinë Themelore në Pejë .

Kurse, Policia e Kosovës njoftoi se janë pezulluar 11 zyrtarë policorë lidhur me trajtimin e rastit të Zekajt. Ndaj tyre është duke u zhvilluar një hetim paraprak nga Inspektorati Policor i Kosovës me rekomandimin e të cilit, nga detyra u pezulluan ushtruesi i detyrës së drejtorit Rajonal në Pejë, Agron Hasanaj, komandanti i Stacionit Policor në Pejë, Faik Jahmurataj, zëvendëskomandanti, shefi i Sektorit të Hetimeve, ushtruesi i detyrës së shefit të sektorit të operativës, komandanti i nënstacionit në Vitomiricë dhe katër hetues policorë.

“Suspendimet janë bërë në interes të hetimeve të pavarura, llogaridhënies institucionale dhe përgjegjësive individuale, në trajtimin e rastit. Policia e Kosovës mbetet e përkushtuar në ruajtjen e vlerave, integritetit dhe shërbimit në mënyrë të drejtë e të paanshme, si dhe do të bashkëpunojë ngushtë me të gjitha institucionet relevante”, thuhet në njoftim të Policisë.

Kosovë

Me kërkesa për dorëheqje dhe përgjegjësi penale mbahet protesta për vrasjen e Arlinda Zekajt

Published

3 days ago

28 October, 2026

Redaksia

Në sheshin “Zahir Pajaziti” në Prishtinë ka filluar protesta e organizuar Kolektivi për Mendim dhe Veprim Feminist në Prishtinë pas vrasjes së Arlinda Zekajt, nga ish-kunati i saj.

Me pankartat dhe thirrjet ““Gjumi s’ka me iu marrë, flaka ka me iu dalë” protestuesit, të cilëve iu bashkuan edhe familjarët e të ndjerës, marshuan drejt Ministrisë së Drejtësisë, Policisë dhe Qeverisë së Kosovës me kërkesë për përgjegjësi dhe llogaridhënie për të gjithë zinxhirin institucional që nuk trajtuan si duhet rastin e Arlinda Zekajt.

Para Ministrisë së Drejtësisë ata kanë kërkuar dorëheqjen e ministrave Donika Gërvalla dhe Xhelal Sveçla.

Ndërkohë, policia e Kosovës ka publikuar një video të arrestimit të Albert Sylës, të dyshuarit për vrasjen e Arlinda Zekajt. Ai u arrestua mbrëmjen e 27 tetorit.