Ferizaj

Aksidentet në rritje, policia me task-forcë speciale gjatë verës

Published

5 years ago

08 June, 2021

Drejtori i Policisë në rajonin e Ferizajt, Basri Shabani thotë se lirimi i masave nga pandemia ka ndikuar në rritjen e numrit të aksidenteve krahasuar me vitin e kaluar, kur pat kufizime të lëvizjes.

“Nëse i referohemi statistikave të aksidenteve në komunikacionin rrugor, këtë vit kemi një ngritje të aksidenteve në përgjithësi. Përfshirë ato me dëme materiale, lëndime trupore por edhe me fatalitet. Për pesëmujorin e parë vitin e kaluar kemi pasur dy raste me fatalitet kurse sivjet kanë qenë pesë aksidente fatale”.

E sivjet përveç rritjes së numrit të aksidenteve, në Ferizaj janë shtuar edhe rastet e gjobitjeve për shkak të tejkalimit të shpejtësisë.

“Numri i tiketave për këtë pesë mujor arrin diku 15 mijë, që është një shifër bajagi e madhe… Jo në çdo rast, masat represive tregohen të suksesshme, prandaj edhe jemi të fokusuar në vetëdijësimin e ngasësve të automjeteve, në mënyrë që të kenë kujdes dhe t’i kuptojnë pasojat që vijnë nga aksidentet e trafikut.”

Stina e verës është ajo që zakonisht karakterizohet me numër të lartë të aksidenteve, kjo sepse rritet numri i veturave me ardhjen e mërgimtarëve në Kosovë.

“Kemi krijuar një taskforcë, ta quajmë, të komunikacionit rrugor ku kemi përfishrë edhe zyrtarët policorë me bicikleta dhe skuterët, e njesitë tjera që do të operojnë kryesisht në qytet, për të mundësuar qarkullimin e lirë, sepse jemi të vetëdijshëm që do të kemi një frekuentim më të madh me ardhjen e bashkëatëdhetarëve në vendlindje për pushime verore”.

Në periudhën janar-maj 2021 në tërë Kosovën u regjistruan 37 aksidente trafiku me fatalitet ku 42 persona kanë humbur jetën.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

3 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”