Ferizaj

INPO: Komuna e Ferizajt nuk i përfill kërkesat e këshillave lokal

Published

5 years ago

15 June, 2021

Këshillat lokal të secilit qytet kanë rëndësi të madhe për banorët e fshatrave, kjo sepse ata adresojnë kërkesat dhe nevojat e banorëve tek ekzekutivi lokal.

Por atyre nuk ju ofrohet gjithmonë bashkepunimi institucional, siç është me rastin e Komunës së Ferizajt, e cila nuk komunikon me to,

thotë Arbenita Topalli nga Iniciativa për Progres, pas takimit me kryetarët e këshillave lokale në këtë komunë.

“Mund të cekim disa të gjetura: Moskomunikimi i mirëfilltë i drejtorive komunale me përfaqësuesit e këshillave lokal, moskthimi i përgjigjeve të kërkesave me shkrim të parashtruara nga ana e përfaqësuesëve të kshillave lokale, mosmbajtja e takimeve deri në muajin qershor të vitit 2021, moskompenzimi i kryetarëve të këshillave lokal, mosangazhimi i barabartë i të gjithë kryetarëve, shpërndarja e subvencioneve pa konsultim paraprak me shpërndarja e subvencioneve pa konsultim paraprak me përfaqësuesit e këshillave lokal, si dhe puna e projekteve dhe investimeve pa konsultim të këshillave lokal“.

Diell Haxhimusa, aktivist në INPO thotë se Komuna e ka për obligim ligjor komunikimin me fshatrat dhe vendbanimet urbane dhe se duhet të respektohet rregullorja e Ferizajt për bashkëpunimin me këshillet lokale.

“INPO rekomandon që kryetari i Komunës të intensifikojë takimet me këshillat lokal, madje të mos mjaftojnë vetëm dy takime, sa për ta përmbushur normën minimale të rregullores. Gjithmonë kryetari, sipas tij është i hapur për takimet me këshillat lokal, ne rekomandojmë që këto takime të jenë të rregullta dhe përmbajtësore me këshillat lokal. Komuna të sigurohet që kërkesat e parashtruara nga këshillat lokal, përveç që të shqyrtohen edhe të marrin përgjijge adekuate në kuadër të zbatimit të tyre, sepse ka raste kur këshillat lokal kanë dërguar kërkesa me shkrim por nuk kanë pranuar përgjigjie nga Komuna e Ferizajt“.

Monitoruesja Topalli tregoi se cilat janë problemet praktike që iu shfaqen këshillave lokale nga moskomunimi me komunë.

“Me ujësjellësin, me kanalizimin, janë projekte të cilat realizohen por nuk konsultohen paraprakisht me përfaqësuesit e këshillave lokal. Nëse komuna ose drejtoria e informon përfaqësuesin e këshillit lokal rreth realizmit të projektit, sigurisht që edhe angazhimi i përfaqësuesit do të jetë më i madh edhe në kuadër të monitorimit të projektit dhe normalisht projektet do të jenë më të suksesshme e jo të dalin problemet e vonesave në përfundim të projekteve, por edhe kur përfundojnë janë me 100 telashe dhe nuk i plotësojnë kushtet dhe kriteret për të cilat është planifikuar“.

Organizata Joqeveritare INPO thotë se zëri i këshillave lokale duhet të dëgjohet nga institucionet, në mënyrë që nevojat dhe kërkesat e tyre e fshatrave të merren parasysh.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

2 days ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

3 days ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

4 days ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.