Ferizaj

Komiteti për Politikë i Ferizajt diskutoi për çështje pronash

Published

5 years ago

15 June, 2021

Në mbledhjen e sotme të Komitetit për Politikë dhe Financa u shqyrtuan gjashtë propozim-vendime për shpalljen e interesit të përgjithshëm të ngastrave kadastrale.

Gjatë këtij takimi, Drejtori i Pronës, Kadastrit dhe Gjeodezisë së Ferizajt, Sabri Murseli, propozoi që rendit të ditës t’i shtohen edhe dy pika të reja, shpallja e interesit të përgjithshëm të një ngastre kadastrale në Gaçkë dhe që pjesa e parkut të”Lirisë”, ku ishte paraparë të ndërtohej spitali i Ferizajt t’i kthehej në pronësi Komunës.

Të gjitha pikat e rendit të ditës kaluan, përveç pikës shpalljes së interesit të përgjithshëm të një ngastre kadastrale në Nikadin.

“Është kriju një rrugë e re mes dy pronarëve të dy parcelave që shkon deri në fund. Sefa shtëpinë diku 4 ari e ka në pronë publike, ka ba kërkesë që të rregullohet çështja e kësaj shtëpie që e ka në pronë publike, ka ofru këmbim që kjo rrugë të kalojë në pronë publike. Pjesën përballë Alush Berisha e ka ofruar falë dhe kështu bëhet rruga publike në atë pjesë të parcelave.

Kërkesa e tij është që prona nën shtëpi të kalojë në emër të tij privat në mënyrë që ta rregullojë çështjen juridike sepse kur e ka ndërtu shtëpinë para 5 vjete nuk i ka pasë kë këto informata”.

E pas kundërshtimit të anëtarëve të Komitetit, kjo pikë nuk kaloi.

“Nuk i mbështesim uzurpatorët, nëse është uzurpator nuk e mbështes” u shpreh Rafiz Sejdiu nga PDK.

Vërejtje pat edhe Xhavit Zariqi nga AAK

“Edhe me ja legalizu pronën e uzurpune, plus me ja shtru asfalt, kjo nuk ka logjikë. Në vend që me denu ne po e favorizojmë hala… Nuk ka logjikë as me e qitë në rend dite e leje me miratu. E ka maru shtëpinë në pronë të Komunës tash po ja shtrojmë asfalt e kishe në shërbim të qytetarëve, nuk ka logjikë drejtor. Në pronë të tij po shkon po shtron asfalt edhe po ia rritë vlerën nja pesëfish, e ata që janë në rregull s’ka gajle se janë mirë. Ai ka të drejtë me ba kërkesë po na jo me ia aprovu, une jo se nuk ka asnjë logjikë”.

Pikat që kaluan në komitet për financa do të shqyrtohen në seancën e Kuvendit Komunal të Ferizajt, e cila është thirrur të mbahet më 18 qershor.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

6 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

7 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim