Ferizaj

Haxhiu: Dhuna ndaj vajzave – Alarm për shoqërinë

Published

3 years ago

23 August, 2021

administrator

Ministrja e Drejtësisë, Albulena Haxhiu është prononcuar lidhur me vrasjen e djeshme të vajzës 18 vjeçare nga Ferizaj

Në reagimin e saj thuhet:

“Dje nga mediat mësuam se një tjetër dhunim ndaj një vajze të re 18 vjeçare ka përfunduar me fatalitet.
Dhuna e këtyre përmasave është alarm që duhet të mobilizojë institucionet e policisë, prokurorisë dhe gjykatave, t’i trajtojnë me prioritet e me seriozitetin maksimal rastet e dhunimit, kurse dhunuesit të vihen përballë drejtësisë.
Inkurajimit të qytetarëve për të raportuar dhunën, duhet t’i përgjigjemi me veprime konkrete, në gjetjen e dhunuesve dhe sjelljen e tyre përpara drejtësisë.
Është e domosdoshme të veprojmë, pa vonesa, e me përkushtim maksimal.
Cenimi i lirisë, qoftë përmes ngacmimeve seksuale, shantazheve e deri te dhuna e vrasja janë të papranueshme dhe si të tilla duhet të trajtohen.
Dënim maksimal dhunuesve e kriminelëve.
Ky fenomen duhet të luftohet pareshtur. Dhuna nuk mund të normalizohet, si rrjedhojë duhet të dënohet ashpër.”

Ferizaj

Brenda një jave raportohen 3 raste të dhunës në familje në rajonin e Ferizajt

Published

22 hours ago

13 May, 2024

Redaksia

Në Drejtorinë Rajonale të Policisë në Ferizaj gjatë javës që shkoi, nga data 06 deri më 12 maj 2024, janë raportuar 3 raste të dhunës në familje. Prej tyre, 1 rast është raportuar në Ferizaj, 1 rast në Shtime dhe 1 rast në Kaçanik.

Sipas njoftimit të policisë, me vendim nga Prokuroria Themelore në Ferizaj një person është ndaluar në mbajtje, ndërsa dy të tjerë janë liruar në procedurë të rregullt hetimore.

Ferizaj

Ferizajasi gjen para në rrugë dhe i dorëzon në polici

Published

4 days ago

10 May, 2024

Redaksia

Pasditen e së mërkurës, më 08.05.2024, D.Sahiti 32-vjeç nga Ferizaj, ka gjetur një shumë të caktuar të parave në rrugën ‘’Reçaku‘’ afër një barnatoreje në Ferizaj dhe ato i ka dorëzuar në stacionin e policisë në këtë komunë.

“Lusim pronarin e vërtetë të parave të paraqitet në stacionin e policisë në Ferizaj dhe pas verifikimit t’i kthehen ato”, thuhet në njoftimin e policisë, të postuar në Facebook.