COVID19

Në kohën e rekordeve të infektimit, Qendra e vaksinimit pushon

Published

3 years ago

29 August, 2021

Qendra e vaksinimit tek shkolla “Zenel Hajdini” në Ferizaj sot nuk është duke dhënë vaksina kundër Covid-19.

Edhe pse në Ferizaj, sipas të dhënave të Ministrisë së Shëndetësisë janë 1813 raste aktive me koronavirus, siç duket nga kjo Qendër kanë vendosur të pushojnë.

Në hyrjen e kësaj qendre gjendet një njoftim ku tregohet se me datat 14 dhe 15 gusht nuk punohet për shkak se nuk ka termine nga Ministria e Shëndetësisë, megjithatë aty nuk ka njoftim apo arsyetim se për çfarë arsye nuk po ipen sot vaksinat anti-Covid.

Teksa tek kjo qendër është i vendosur njoftimi se aplikimi përmes platformës e-kosova është i obligueshëm për të vendosur terminin për të marrë vaksinën, por ferizajasit sot nuk e patën mundësinë që të mund të marrin vaksinën e tyre në terminin e datës së sotme.

Sipas të dhënave nga Shërbimi Spitalor Klinik dhe Universitar i Kosovës, gjatë ditës së djeshme ishin 85 ferizajas të shtrirë në Spitalin e Ferizajt për tu trajtuar nga koronavirusi.

Në Ferizaj, gjithashtu dje u shënuan 95 raste të reja të infektimit me koronavirus.

COVID19

Covid-19 ende prezent në Ferizaj – Një rasti i ri me koronavirus

Published

2 years ago

12 October, 2022

administrator

Në komunën e Ferizajt në 24 orët e fundit u regjistrua një rast i ri me koronavirus dhe një pacient është shëruar nga sëmundja.

Rasti i fundit pozitiv është një qytetar i moshës mbi 50 vjeç, përcjell TV TEMA.

Deri tani, nga covid 19 janë prekur 14 mijë e 277 ferizajas kurse 184 prej tyre humbën jetën.

Në gjithë komunën e Ferizajt aktualisht janë 19 raste aktive me koronavirus.

COVID19

Ndërrojnë jetë dy persona si pasojë e Covid-19

Published

2 years ago

31 August, 2022

administrator

Ministria e shëndetësisë njoftoi se në 24 orët e fundit kanë vdekur 2 persona dhe janë regjistruar 191 raste të reja të infektimeve me koronavirus të cilat rezultuan pas testimit të 926 mostrave.

Në këtë hark kohor nga sëmundja janë shëruar 255 pacientë ndërkaq në gjithë vendin janë 1 mijë e 325 raste aktive.

Deri tani, në Kosovë janë konfirmuar mbi 271 mijë raste të infektimit kurse 3 mijë e 196 qytetarë kanë humbur jetën.

Në 24 orët e fundit janë dhënë 30 doza të vaksinës anti-covid derisa nga fillimi i vaksinimit mbi 824 mijë persona janë vaksinuar me dy doza.