Ferizaj

Raporti i auditimit anashkalohet nga shumica e kuvendarëve

Published

5 years ago

31 August, 2021

Raporti i Auditimit për pasqyrat financiare vjetore të Komunës së Ferizajt për vitin 2020, nuk ngjalli interesimin e kuvendarëve ferizajas, në seancën e Kuvendit Komunal. Përveç dy kuvendarëve opozitarë, nga radhët e LDK-së, të tjerët zgjodhën të heshtin.

Shkelzen Selmani, drejtoi vërejtjet e tij duke e vlerësuar Raportin të keq për Komunën e Ferizajt.

“Raporti i auditimit është i kualifikuar, domethënë është i keq. I ka gjithsej 18 rekomandime, më e keqja është që vitin e kaluar kanë qenë 20 rekomandime e veç 6 janë zbatu nga këto 20. Qysh në fillim të mandatit, drejtoresha pat thanë që e-pasuria ka me u aktivizu dhe gjithçka me qenë aty. Gjatë vitit 2020, gjatë pandemisë kanë marrë punëtorë ekstra për me punu aty dhe ata s’kanë ba asnjë punë. Ka prej disa mostrave të vonesave të faturave që janë vonesa nga katër muaj. Çdo vit veresi janë duke punu, e që ne po na kushton me përmbarues”.
Shkelzen Selmani – Kuvendar i LDK-së

Kuvendari tjetër që mori pjesë në këtë diskutim ishte Flamur Istrefi, i cili listoi një nga një shkeljet e Komunës të cilat u gjetën nga ky raport auditimi.

“Ky raport është e kundërta e raportit propagandues të punës që na u prezantua këtu nga kryetari Aliu. Të gjeturat në këtë raport janë të shumta, duke filluar nga mospërfillja e rekomandimeve të vitit të kaluar, mangësia në menaxhimin e pasurive, vonesat në pagesa, mangësi në përmbushjen e kërkesave ligjore, lista jo e plotë e pagave, mangësi në menaxhimin e kontratave etj.”
Flamur Istrefi – Kuvendar i LDK-së

Ndërkaq Selmani tutje vuri në pah se disa nga shkeljet e gjetura në këtë raport, fatkeqësisht janë shkelje të cila po përsëriten çdo vit.

“Angazhimi për detyra të veçanta pa kryer procedura të veçanta ligjore, kjo çdo vit është përsëritë. Pa marrë parasysh rekomandimeve të vitit 2019, prapë është përsëritë. 28 të punësuar i kanë qu në arsim dhe nuk kanë marrë paga. Komuna tash është në borxh mbi 66 mijë euro, kanë punu veresi. Tash ata duhet me shku tek përmbaruesi për me i marrë paret, e prapë Komuna me pagu kamatë”.
Shkelzen Selmani – Kuvendar i LDK-së

Interesantja ishte se si kjo pikë e rendit të ditës, me aq peshë për funksionimin e komunës, gjatë një viti të tërë, mbeti e pa diskutueshme nga grupet tjera parlamentare si dhe nga vet ekzekutivi lokal.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

1 week ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG