Botë

NBC: Afganët e dyshimtë dërgohen për rishikim në Kosovë

Published

4 years ago

04 September, 2021

Nga Jonathan Dienst, Ken Dilanian dhe Tom Winter(NBC)

SHBA-të planifikojnë që nga territori i vet të largojnë dy afganë të evakuuar së fundmi, për rishikim të mëtejshëm në Kosovë, shkaku i shqetësimeve të sigurisë të ngritura pasi ata mbërritën në një aeroport amerikan, shkruan rrjeti kombëtar televiziv NBC.

Sipas burimeve të këtij mediumi, thuhet se zyrtarët federalë amerikanë po veprojnë me shumë kujdes, dhe vetëm për shkak se një person është shënuar nuk do të thotë se ata janë terroristë ose përbëjnë një kërcënim. Diçka në profilin e tyre, qoftë emri, prejardhja ose një numër në celularin e tyre ka ngritur shqetësim të mjaftueshëm saqë nuk mund të lejoheshin të qëndronin në SHBA për të pritur shqyrtimin shtesë.

“Shumë njerëz u zhvendosën shumë shpejt dhe komuniteti i inteligjencës ka punuar shumë për të vlerësuar nëse ndonjë prej tyre paraqet kërcënim,” tha një zyrtar i lartë federal që punon në organet e sundimit të ligjit. “Disa verifikime bëhen gjersa të evakuuarit gjenden jashtë shtetit, e disa prej tyre ndodhin këtu … Ne nuk do të lejojmë që njerëzit të lirohen qëllimisht në komunitet nëse ekzistojnë informacione denigruese e të paverifikuara për ta.”

Çdo i evakuuar tjetër që shkakton shqetësime të ngjashme do të dërgohet për në Kosovë, u shprehën burimet e njejta.

Një zëdhënës i Departamentit për Sigurinë Kombëtare (DHS) kishte deklaruar: “Qeveria federale ka krijuar një proces të fuqishëm dhe të shtresuar të shqyrtimit e verifikimit, me qëllim që të mbrohen SHBA-të por edhe afganët e rrezikuar.”

Në pyetjen e gazetarëve, zëdhënësi i Departamentit të Drejtësisë së SHBA-ve nuk kishte pranuar të komentojë lidhur me këto raste.
(NBC)

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.