Grupi Qytetarët Aktiv njofton se Drejtoria e Shërbimeve Publike në Prishtinë sot ka anuluar pëlqimin që Sunnyhill Festival të mbahet në Gërmi, përcjell TV TEMA.
Po ashtu u kërkua që urgjentisht të ndalohen veprimet nga ky festival.
Përgatitjet për mbajtjen e këtij festivali veçse kanë filluar në hapësirat e Gërmisë.
Në ndërkohë, Habib Qorri, udhëheqës i sektorit për Shërbime Publike në Komunën e Prishtinës për Koha.net ka thënë se Festivalit “Sunny Hill” i është anuluar vetëm pëlqimi, por jo edhe aktiviteti.
Njoftimi i plotë:
NJOFTIM për Qytetarët dhe Media
Drejtoria për Shërbime Publike, Mbrojtje dhe Shpëtim sot me datën 28.07 ka anuluar pëlqimin për mbajtjen e festivalit Sunnyhill në Peizazhin e Gërmisë.
Qytetarët Aktivë kanë adresuar ankesën tek Drejtoria e Inspektimit në KK Prishtina dhe Departamenti për Inspektim për Mjedis në MMPHI për veprim urgjent të ndalohen të gjitha veprimet nga ky festival i cili nuk ka as pëlqim nga Drejtoria e Parqeve dhe as leje adekuate dhe të respektohet ligji për mbrojtjen e Natyrës dhe Mjedisit.
Me respekt,Qytetarët Aktivë
