Botë

Eurostat: Rritje e çmimeve e rekord i ri inflacioni në Eurozonë

Published

2 years ago

29 July, 2022

Shkalla e inflacionit në Eurozonë ka arritur në 8.9 për qind në muajin korrik.

Kjo shifër përbën rekord të ri, teksa lufta e paprovokuar e Rusisë në Ukrainë vazhdon të ndikojë në rritje të çmimeve të ushqimit dhe energjisë.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai e quan luftën si “operacion special ushtarak” për të çmilitarizuar Ukrainën.

Agjencia e Bashkimit Evropian për Statistika – Eurostat – ka thënë më 29 korrik se shkalla vjetore e inflacionit në 19 shtetet anëtare që përdorin euron, është rritur në 8.9 për qind për dallim nga 8.6 për qind sa ka qenë në muajin e kaluar.

Në zemër të rritjes së çmimeve kanë qenë ato të energjisë, të cilat janë rritur për 39.7 për qind këtë vit.

Çmimet e ushqimit, ndërkaq, janë rritur për 9.8 për qind në bazë vjetore.

Presioni për inflacion global veçse ka qenë i lartë për shkak të pandemisë së koronavirusit.

Mirëpo pas shpërthimit të luftës në Ukrainë – që tani është në muajin e gjashtë – rritje ekonomike globale është vënë në rrezik, pa harruar edhe krizën për furnizime.

Të dyja këto zhvillime kanë ndikuar në rritje të inflacionit në gjithë botën./rel

Related Topics:Bashkimi Evropian EU Eurozona Inflacioni

Up Next

Projektligji për çmimin e produkteve medicinale nuk kalon në Kuvend, përplasen pozita e opozita

Don't Miss

Njoftim nga Qeveria: Nga 1 gushti askush me dokumente serbe nuk mund të hyjë në Kosovë

Click to comment

Botë

Qeveria e Sllovakisë konfirmon atentatin dhe plagosjen e kryeministrit Fico

Published

2 days ago

15 May, 2024

Redaksia

Kryeministri i Sllovakisë, Robert Fico, është plagosur në një atentat pasditen e sotme.

Fico, 59 vjeç, u dërgua në spital pasi ndaj tij u shkrepën katër plumba në stomak dhe gjoks në ngjarjen që ndodhi pranë Shtëpisë së Kulturës së Qytetit, Handlova, rreth 150 kilometra në verilindje të kryeqytetit Bratislavë.

I dyshuari për plagosjen është arrestuar menjëherë pas të shtënave, raportuan gazetarët të cilët ishin në përcjellje të një aktiviteti të Ficos me mbështetësit .

Fico është kryeministër i Sllovakisë që nga fundi i vitit 2023

Botë

Në Maqedoninë e Veriut sot ka nisur heshtja zgjedhore

Published

3 weeks ago

23 April, 2024

Redaksia

Në Maqedoninë e Veriut sot ka nisur heshtja zgjedhore pasi nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën, më 24 prill, ndërsa raundi i dytë i mundshëm i tyre, së bashku me zgjedhjet parlamentare, është caktuar pas dy javësh, më 8 maj.

Botë

Bitcoin me rekord historik – kalon vlerën mbi 71 mijë dollarë

Published

2 months ago

11 March, 2024

Redaksia

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.