Ferizaj

Prokuroria e Ferizajt ngreh aktakuza ndaj gjashtë personave për 24 orë

Published

3 years ago

02 August, 2022

administrator

Gjatë 24 orëve të fundit janë ngritur tri aktakuza nga Prokuroria Themelore në Ferizaj, transmeton TV TEMA.

Sipas raportit të Prokurorisë, një aktakuzë është ngritur ndaj tre personave për falsifikim dokumentesh.

Aktakuza tjetër për “Keqtrajtimi gjatë ushtrimit të detyrës zyrtare ose autorizimeve publike”, është ngritur ndaj dy personave dhe një aktakuzë për vjedhje të shërbimeve është ngritur ndaj një personi.

Nga të gjitha prokuroritë themelore të Kosovës, janë ngritur 91 aktakuza ndaj 100 personave, për vepra të ndryshme.

Raporti i plotë i Prokurorisë në Ferizaj:

7.Prokuroria Themelore në Ferizaj:
Aktakuzat:
Prokuroria Themelore në Ferizaj, ka ngritur tri (3) aktakuza kundër gjashtë (6) personave, për veprat penale si në vijim:
Një (1) aktakuzë kundër tre (3) personave për veprën penale “Falsifikimi i dokumenteve”,
Një (1) aktakuzë kundër dy (2) personave për veprën penale “Keqtrajtimi gjatë ushtrimit të detyrës zyrtare ose
autorizimeve publike”,
Një (1) aktakuzë kundër një (1) personi për veprën penale “Vjedhja e shërbimeve”

Ferizaj

Disa pjesë të Ferizajt të shtunën sërish pa rrymë për 9 orë

Published

13 hours ago

21 November, 2025

Redaksia

KEDS ka njoftuar se të shtunën, 22 nëntor 2025, qendra e qytetit të Ferizajt dhe disa rrugë përreth do të mbeten pa rrymë nga ora 9:00 deri në orën 18:00.

Sipas njoftimit të KEDS, shkaku i ndërprerjes së furnizimit me energji elektrike është realizimi i projekteve investive.

Nga TS 35/10kV Ferizaj II do të ndërpritet:

Dalja 10[kV] J12 Banka 1&2 (kodi: 40041039) nga ora 09:00 deri në ora 18:00

Vendet: MBTS Banka,TS Fatmir Rashani,TS Halil Haxhidema,TS TMK Ndërtesa,TS Koncorzium Komuna (përballë Spitalit)

Arsyeja: Projekte Investive, Konvertimi i Daljes 2 20kV!

Nga TS 35/10kV Ferizaj III do të ndërpritet:

Dalja 10[kV] Ylli 2 (kodi: 40042016) nga ora 09:00 deri në ora 18:00

Vendet: Rr. Skënderbeu, rr.Sadik Tafarshiku, rr.Riza Goga, rr.12 Qershori, VIVA FRESH SH.P.K. Xhevdet Rexhepi, rr.Agim Matoshi, rr.Imri Halili

Arsyeja: Projekte Investive, Konvertimi i Daljes 2 20kV!

Ferizaj

Zjarri që përfshiu objektin afarist në Ferizaj ende aktiv

Published

1 day ago

20 November, 2025

Redaksia

Zjarri që përfshiu objektin afarist dhe depon e kompanisë ferizajase “Elita” ende nuk është shuar.

Ekipet e zjarrfikësve të Ferizajt dhe komunave përreth kanë arritur ta lokalizojnë zjarrin dhe po vazhdojnë punën intensive për shuarjen e tij.

Në vendin e ngjarjes, njësitë policore po vazhdojnë angazhimin e tyre për menaxhimin e situatës dhe sigurinë e perimetrit ndërkaq hetimet për shkaqet e zjarrit janë duke u zhvilluar me autorizim të prokurorit të shtetit.

Sipas pronarit të biznesit, dëmet e shkaktuar nga ky zjarr kapin shifrën rreth 15 milionë euro.

Ferizaj

Përfshihet nga zjarr i madh një objekt afarist në Ferizaj

Published

2 days ago

20 November, 2025

Redaksia

Mëngjesin e sotëm një zjarr i madh përfshiu nj ë objekt afarist dhe depot e tij në Ferizaj.

Lokacioni i biznesit është në afërsi të udhëkryqit të rrugës “Driton Islami” dhe magjistrales Ferizaj-Kaçanik.

Ekipet e zjarrfikësve nga Ferizaj dhe nga qytetet e afërta janë duke u munduar të lokalizojnë zjarrin, pasi në afërsi të objektit ku shpërtheu zjarri janë edhe disa objekte tjera afariste.

Policia e Kosovës ka njoftuar se për shpërthimin e zjarrit është njoftuar rreth orës 09:15 dhe se ekipet e policisë dhe të zjarrfikësve janë në vendngjarje.