Ferizaj

Lista Serbe rreth deklaratës së Hovenierit për Radojçiqin: Po do ta shpallë fajtor pa vendim gjykate

Published

4 years ago

04 August, 2022

Lista Serbe ka reaguar ndaj deklaratës së ambasadorit të Shteteve të Bashkuara të Amerikës në Kosovë, Jeff Hovenier, për nënkryetarin e kësaj partie, Milan Radojiçiq, se ka lidhje me krimin e organizuar transnacional dhe korrupsionin.

Kjo parti ka hedhur poshtë këtë deklaratë të ambasadorit amerikan, duke kërkuar nga ai të paraqesë prova të qarta për deklaratat e tij dhe jo të bëjë vlerësime “paushall”.

“Së pari se është e papranueshme të flitet për cilindo në mënyrë të tillë dhe për akuzat që i ka dhënë ambasadori amerikan kundër nënkryetarit Radojiçiq, nuk është iniciuar asnjë procedurë gjyqësore që dëshmon pretendimet e Hovenierit”, thuhet në reagimin e Listës Serbe.

Më tej është thënë se deklarata e Hovenierit është dhënë për të vënë nën presionin Radojiçiqin, Listën Serbe, qytetarët serbë në veri, në situata të tilla si kjo e fundit.

“Në rastin e zëvendëspresidentit tonë me se duket Prishtina dhe z. Hovenier mendojnë se është e mundur të shpallet dikush fajtor pa vendim të gjykatës. Qytetarët tanë e kanë kuptuar se kjo deklaratë për Z. Radojiçiq është bërë për të vënë nën presion z.Radojiçiq, Listën Serbe dhe qytetarët serbë në përgjithësi në veri në momentin kur Prishtina po bën veprime të njëanshme dhe terror ndaj qytetarëve duarthatë. Këto pretendime nuk do të zbehin vendosmërinë për të mbijetuar dhe qëndrimin në këto zona duke respektuar kontributin që Z. Radojiçiq ka bërë”, është thënë më tej në reagim.

Ambasadori i SHBA-së në Kosovë, derisa ka folur për ngjarjet e fundit në veri me ministrin për Komunitete dhe Kthim, Goran Rakiq, ka rikujtuar pozicionin e SHBA-së për Milan Radojçiqin.

“Më duhet t’u kujtoj njerëzve se, nga këndvështrimi i Shteteve të Bashkuara, z. Milan Radoiçiq, është sanksionuar nga Thesari i Shteteve të Bashkuara në bazë të informacionit tonë për lidhjet e tij me krimin e organizuar transnacional dhe korrupsionin, dhe i tregova atij që, ju e dini, pikëpamja e Shteteve të Bashkuara për këtë individ është tashmë e njohur”, ka thënë Hovenier./Koha

Hovenier i shkon në zyre Rakiqit: I rikujtova qëndrimet e SHBA-së rreth reciprocitetit

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.