Kosovë

Qeveria në fazën përfundimtare të Projektligjit për zyrtarët publikë

Published

2 years ago

04 August, 2022

Ministri i Punëve të Brendshme dhe Administratës Publike, Xhelal Sveçla, ka thënë se janë në fazën përfundimtare të finalizimit të Projektligjit për zyrtarët publikë.

Sveçla para deputetëve të Kosovës, ku sot është thirrur në interpelancë për këtë çështje, tha se ekzekutivi përmes ndryshimeve do të adresojë problemet që janë gjetur nga Gjykata Kushtetuese.

“Si Ministri bartëse për hartimin e këtij ligji që një kohë jemi duke punuar për të hartuar dhe miratuar një ligj i cili është në harmoni me të gjeturat e Gjykatës Kushtetuese, që adreson problemet e hasura në zbatim dhe që njëkohësisht përkon me parimet dhe prioritetet Qeverisë. Në këtë drejtim, Ministria e Punëve të Brendshme është në fazën përfundimtare të finalizimit të ligjit të cilin presim shpejt ta procedojmë në procedurat e konsultimeve”.

Përmes Ligjit për Zyrtarët Publik, synohet digjitalizimi i tërësishëm i procesit të rekrutimit përmes të cilit qëllimi është rritja e transparencës dhe efikasitetit të institucioneve publike në rekrutim dhe për rjedhojë edhe rritjen e besimit të qytetarëve në proceset e rekrutimit pranë institucioneve publike.

“Digjitalizimi i këtyre proceseve, do të bëhet gradualisht deri në zhvillimin e të gjitha procedurave rekrutuese në mënyrë elektronike dhe transparente. Ky është një hap rrënjësor drejt reformës për ngritjen e standardit për një administratë profesionale, transparente dhe nivel të shtuar të llogaridhënies. Megjithatë, krahas me avancimin e procesit të digjitalizimit, është e domosdoshme që të krijohet infrastruktura ligjore dhe institucionale që e rritë dhe e mbronë sigurinë e këtyre proceseve nga sulmet kibernetike, një nevojë e pashmangshme kjo duke marrë parasysh zhvillimin teknologjik të kohës sonë”.

“Kjo do t’u mundësojë zyrtarëve publik dhe gjithë qytetarëve mundësinë të hyjnë në garë të gjithë të barabartë, të trajtohen njëjtë dhe pa ndërhyrje në proceset e rekrutimit”, ka deklaruar Sveçla.

Kosovë

Pakot e cigareve dhe duhanit tash e tutje me ilustrime dhe porosi për efektet negative

Published

7 days ago

26 April, 2024

Redaksia

Të enjten ka hyrë në fuqi udhëzimi administrativ që përcakton rregullat për vendosjen e fotografive apo ilustrimeve të tjera dhe tekstit / mesazhit informues për efektet negative të duhanit, në paketimet e produkteve të duhanit dhe të ndërlidhura me duhanin.

Ky udhëzim bazohet në Ligjin për Kontrollin e Duhanit, dhe u nënshkruar nga ministri i Shëndetësisë. Sipas Ministrisë së Shëndetësisë , aplikimi i vërejtjeve të kombinuara apo paralajmërimeve për rreziqet nga duhani është masë që, bazuar në dëshmitë shkencore, në vende të ndryshme ku është aplikuar, ka ndikuar në uljen e përdorimit të duhanit, sidomos nga të rinjtë.

“Përmes vendosjes së vërejtjeve shëndetësorë në produktet e duhanit synohet të ngritën njohuritë e duhanpirësve për efektet shëndetësore negative që shkakton përdorimi i produkteve të duhanit dhe, gjithashtu, synohet të inkurajohet ndërprerja e pirjes së duhanit si dhe dekurajimi i nisjes ose ri-nisjes së pirjes së duhanit”, thuhet në komunikatë.

Kosovë

Edhe dy muaj paraburgim për të dyshuarit e sulmit në Banjskë

Published

1 week ago

25 April, 2024

Redaksia

Gjykata Themelore në Prishtinë ka aprovuar kërkesën e Prokurorisë Speciale të Republikës së Kosovës, duke ua vazhduar masën e paraburgimit edhe për dy muaj tre të dyshuarve për sulmin terrorist në fshatin Banjskë të Zveçanit.

Vladimir Toliq, Blagoje Spasojeviq dhe Dushan Maksimoviq janë të ngarkuar për veprat penale “Vepra të rënda kundër rendit kushtetues dhe sigurisë së Republikës së Kosovës” dhe “Kryerje e veprave terroriste”.

Sipas kërkesës fillestare të Prokurorisë, ata dyshohen se bashkë me një grup personash, në mënyrë të organizuar dhe të armatosur si dhe me dhjetëra vetura të mbushura me armatim, municion dhe veshje ushtarake, kanë hyrë ilegalisht në Kosovë.

Më 24 shtator 2023 ky grup terrorist bllokoi rrugën në Banjskë me dy kamionë, ku pastaj me granata dhe me armë sulmuan dy zyrtarë policor. Nga ky sulm mbeti i vrarë rreshteri Afrim Bunjaku kurse u plagos zyrtari policor, Alban Rashiti.

Arbëri

Balotazhi për president të Maqedonisë së Veriut më 8 Maj

Published

1 week ago

25 April, 2024

Redaksia

Nga rezultatet preliminare pas numërimit të mbi 99% të votave, në raundin e dytë të zgjedhjeve presidenciale në Maqedoni të Veriut, do të përballen, Gordana Siljanovska- Davkova, dhe presidenti aktual, Stevo Pendarovski.

Sipas Komisionit Shtetëror të Zgjedhjeve (KSHZ), kandidatja e partisë opozitare VMRO DPMNE-së, Gordana Siljanovska- Davkova,u rendit e para me 39.64% të votave kurse Stevo Pendarovski nga LSDM-ja, është renditur i dyti me 19.93%.

Ministri aktual i Punëve të Jashtme i Maqedonisë së Veriut, Bujar Osmani, kandidat për president nga BDI-ja, u rendit i treti pasi ka marrë 120.903 vota ose 13.36%, ndërkaq Arben Taravari nga koalicioni i partive opozitare shqiptare, është i katërti me 83.356 vota ose 9.21%.

Raundi i dytë i zgjedhjeve presidenciale bashkë me zgjedhjet parlamentare do të mbahet më 8 maj.