Sport

Ditë e gëzueshme për fansat e futbollit – Sot nisin tri kampionate evropiane

Published

2 years ago

05 August, 2022

Nuk ndodh shpesh që kampionatet europiane të nisin në javën e parë të gushtit, por këtë vit është risi, pasi Botërori “Katar 2022” ka përshpejtuar paksa rrjedhën e gjërave.

Dita e sotme do të shikojë të nisin 3 kampionatet elitare, teksa në fushën e blertë do të zbresin skuadrët për të luajtur ndeshjet e sezonit të ri 2022-2023.

Premier League, Bundesliga dhe Ligue 1 do të marrin skenën mbrëmjen e sotme, teksa në fushën e lojës do të vihen përballë njëra-tjetrës 6 skuadra, të cilat do të luftojnë të nisin me këmbë të mbarë edicionin e ri futbollistik.

Sezonin 2022-2023 zyrtarisht do e hapë përballja mes Eintracht Frankfurt – Bayern Munich në orën 20:30, me kampionët e Gjermanisë që kërkojnë mbrojtjen e fronit pa Lewandowskin në skuadër të larguar në “Camp Nou”, por më një Mane më në formë se kurrë, ndërsa kampionët e Europa League do tentojnë të mos dali pa pikë nga ky duel.

Crystal Palace – Arsenal është dueli që do të ngre siparin në Angli, me “Topçinjtë” që kanë bërë afrime “big” në këtë merkato, me takimin që nis që orën 21:00.Në Ligue 1, Lyon- Ac Ajaccio do të marrë skenën në orën 21:00, me ekipin që u ngjit këtë sezon në elitë që do kërkojë me patjetër të qëndrojë për më shumë se një sezon.

Sport

Mbape firmos me Real Madridin për 15 milionë € në vit

Published

2 weeks ago

16 July, 2024

Redaksia

Real Madrid njoftoi se ka nënshkruar kontratë me yllin francez të futbollit, Kylian Mbappe.

Mbappe kaloi në “Bernabeu” si lojtar i lirë pas skadimit të kontratës që kishte me Paris Saint-Germain, për të cilët shënoi 256 gola në 308 paraqitje.

Futbollisti 25 vjeçar nënshkroi kontratë 5 vjeçare, deri në vitin 2029, nga e cila do të përfitojë 15 milionë euro në vit, transmeton Skysports.

Gjithashtu, Mbape do të fitojë edhe 85 milionë funte bonus për nënshkrim të kontratës, shumë kjo që Real Madridi do ta paguaj në këste vjetore përgjatë kohëzgjatjes së kontratës 5 vjeçare.

Arbëri

Vdes një alpinist bullgar në Majën e Jezercës

Published

1 month ago

12 June, 2024

Redaksia

Një bjeshkatar nga Bullgaria, humbi jetën në afërsi të “Majës së Jezercës” në Shqipëri.

Viktima u gjet pa shenja jete nga ekipi i kërkim-shpëtimit të policisë së Shqipërisë, një ditë pas raportimit se ai dhe një bashkëkombës i tij, kishin mbetur të bllokuar për shkak të terrenit të vështirë.

Dyshohet se gjatë ecjes bjeshkatare, 32 vjeçari kishte rrëshqitur nga një lartësi dhe si pasojë e ka humbur jetën.

“Nga ekipi i kërkim-shpëtimit është bërë e mundur nxjerrja e trupit të pajetë, i cili do të transportohet me helikopter, drejt morgut. Turisti tjetër është larguar drejt Malit të Zi, në gjendje të mirë shëndetësore”, thuhet në njoftimin e policisë së Shqipërisë.

Ky është rasti i dytë i vdekjes tragjike në këtë shteg brenda pak muajve, pasi më 30 mars, këtu humbi jetën edhe një bjeshkatare 43 vjeçare nga Kroacia.

Ndryshe, “Maja e Jezercës” është maja më e lartë e Bjeshkëve të Nemuna, e dyta më e larta në Shqipëri, me lartësi 2,694 metra mbi nivelin e detit. Nga bjeshkatarët alpinistë, shtegu drejt kësaj maje konsiderohet me rrezikshmëri të lartë, sidomos gjatë sezonit të dimrit.

Sport

Hansi Flick merr drejtimin e Barcelonës

Published

2 months ago

29 May, 2024

Redaksia

Hansi Flick është konfirmuar trajner i ri i Barcelonës. Ai ka nënshkruar kontratë deri në vitin 2026, duke zëvendësuar kështu trajnerin e shkarkuar Xavi Hernandez.

Gjatë karrierës si trajner, Flick 59 vjeç, ka drejtuar skuadrën e Bayern Munich, me të cilën fitoi dy herë titullin e kampionit të Gjermanisë, kupën dhe ligën e kampionëve në sezonin 2019/20.

Për një kohë ishte edhe trajner i përfaqësueses gjermane, por u shkarkua pas eliminimit të “Pancerëve” në fazën e grupeve të Kampionatit Botëror të vitit 2022 në Katar.