Connect with us

Kosovë

Regjistrimi i popullsisë në Kosovë pritet të fillojë në pranverën e vitit 2023

Published

on

Së shpejti, pritet të fillojë procesi i regjistrimit të popullsisë, banesave dhe ekonomive familjare në Kosovë, që ishte paraparë të mbahet në vitin 2022.

Kështu theksuan drejtues të Agjencisë se Statistikave të Kosovës për Radio Kosovën , për të shtuar se “ për këte proces, ky institucion i ka bërë të gjitha përgatitjet e nevojshme”.

Kuvendi i Kosovës, javë më parë, miratoi në lexim të dytë Ligjin për regjistrimit e popullsisë, banesave dhe ekonomive familjare në Kosovë.

Rreth këtij procesi i cili pritet të fillojë së shpejti, drejtori i Departamentit për Statistika Sociale në Agjencinë e Statistikave të Kosovës, Avni Kastrati tha se për këte proces, ky institucion i ka bërë të gjitha përgatitjet e nevojshme” dhe se brenda pak muajsh pritet të fillojë regjistrimi i popullsisë.

“ Ligji për regjistrimin e popullsisë në Kosovë është aprovuar në muajin korrik në lexim të dytë. Në kuadër të ligjit janë të definuara disa aktivitete apo vendime që duhet të merren nga qeveria dhe kuvendi. Duhet të përcaktohet data e fillimit të regjistrimit të popullsisë nga ana e qeverise dhe nga ana e kuvendit duhet të miratohet Komisioni Qendror për Regjistrimin e Popullsisë”, ka thënë Kastrati.

Sipas Kastratit, ky proces i planifikuar të kryhet më heret, është shtyer për shkak të disa procedurave që është dashur të kalohen, andaj si i tillë, ai paralajmërohet që të fillojë më së largu në pranverën e vitit të ardhshëm.

“Diskutime ka pasur në vazhdimësi në lidhje me ketë proces por si dokument zyrtar nuk pasur ndonjë datë të caktuar. Pikësynim ka qene viti 2022, se viti 2021 ka qenë sfide pandemia ku edhe në fillim të vitit 2022 na ka përcjell kjo situate dhe për arsye se disa vendimeve që është dashur të merren ky proces me se largu do të filloj në pranverën e vitit të ardhshëm”, ka shtuar ai.

Regjistrimi i popullsisë është planifikuar të behët në terë territorin e Kosovës, duke përfshirë edhe pjesën veriore të vendit, e të cilin më heret banorët e komunave me shumicë serbe e kishin refuzuar. Regjistrimi i fundit i popullsisë në Kosovë është bërë në vitin 2011.

Nga ky proces, numri i përgjithshëm i banorëve në Kosovë, llogaritet të jetë rreth 1.8 milion banorë.

Kosovë

Ish-ministri Astrit Haraqija në mesin e 6 personave të arrestuar për narkotikë

Published

on

Policia e Kosovës ka arrestuar 6 persona të dyshuar për trafikim dhe shpërndarje të substancave narkotike të llojit kokainë.

Në mesin e të arrestuarve është edhe Ish-ministri i Kulturës, Astrit Haraqija, ka konfirmuar avokati i tij, Korab Bokshi.

Në njoftimin e Policisë bëhet e ditur se gjatë aksionit të koduar “Heshtja”, të zhvilluar të shtunën, më 14 nëntor , janë sekuestruar rreth 1.6 kilogramë kokainë, si dhe sasi të tjera të substancave të dyshuara narkotike, përfshirë marihuanë dhe substancë të panjohur, si dhe tableta të dyshuara të ekstazisë.

Para të gatshme në valuta të ndryshme, në vlerë prej rreth 16 mijë eurosh, 6 vetura të markave luksoze të ndryshme, telefona mobilë, pajisje elektronike dhe të komunikimit, pajisje për vëzhgim, ora luksoze dhe stoli të çmuara, një armë zjarri, municion, thika, peshore digjitale dhe pajisje për paketimin e substancave narkotike, si dhe dokumente dhe shënime të ndryshme që do të trajtohen në kuadër të procedurave hetimore.

Aksioni u realizua në disa lokacione në rajonin e Prishtinës në bashkëpunim me Agjencinë e Kosovës për Inteligjencë.

Me vendim të Prokurorit të Shtetit, të dyshuarit janë dërguar në ndalim policor për 48 orë.

Të gjitha veprimet policore janë ndërmarrë nën mbikëqyrjen dhe koordinimin e Prokurorisë Themelore në Prishtinë – Departamenti për Krime të Rënda.

Continue Reading

Kosovë

Kush është Mikhail Bogachek, i nominuari i Trumpit për ambasador të SHBA-së në Kosovë?

Published

on

Presidenti amerikan, Donald Trump, nominoi Mikhail Bogachekun për ambasador të ri të Shteteve të Bashkuara në Kosovë, duke ia dërguar emrin Senatit amerikan për konfirmim.

Nominimi i tij u bë i ditur përmes një njoftimi të publikuar në faqen zyrtare të Shtëpisë së Bardhë, më 10 nëntor.

Ambasada amerikane në Prishtinë aktualisht udhëhiqet nga e ngarkuara me punë, Anu Prattipati, pasi ambasadori paraprak, Jeff Hovenier, përfundoi mandatin e tij trevjeçar në fund të dhjetorit të vitit 2024.

Kush është Mikhail Bogachek?

Michael Bogachek aktualisht mban pozitën e drejtorit ekzekutiv në Organizatën e Shteteve Amerikane (OAS), ku mbikëqyr operacionet administrative, financat, prokurimin, burimet njerëzore dhe teknologjinë informative, sipas një biografie të publikuar në faqen e organizatës.

OAS-i, i themeluar në vitin 1948, përfshin 35 shtete të kontinentit amerikan dhe ka për qëllim forcimin e demokracisë, mbrojtjen e të drejtave të njeriut, sigurinë dhe zhvillimin.

Sipas biografisë së tij, Bogachek ka mbi 25 vjet përvojë në sektorët e shëndetësisë, teknologjisë dhe menaxhimit institucional.

Më herët, ai ka qenë drejtor operativ në kompaninë VativoRx, e cila merret me administrimin e përfitimeve farmaceutike në SHBA.

Ai ka themeluar edhe kompaninë Cooperton, e specializuar në sigurinë kibernetike dhe menaxhimin e krizave, si dhe kompaninë PharmaLife, që merret me teknologjinë në sektorin farmaceutik.

Bogachek ka diplomuar në Inxhinieri Industriale dhe të Sistemeve në Institutin e Teknologjisë të Xhorxhias dhe ka doktoraturë në Bioinxhinieri.

Ai ka përfunduar, gjithashtu, një program për drejtues biznesesh në Shkollën e Biznesit të Harvardit.

Flet rrjedhshëm gjuhën ruse, ukrainase dhe hebraike.

Nominimi për ambasador në Kosovë është pjesë e një liste më të gjerë emërimesh, të dërguar nga administrata Trump në Senat, më 10 nëntor.

Nominimi mes sfidave në marrëdhëniet Kosovë-SHBA

Nominimi i Bogachekut vjen në një periudhë kur marrëdhëniet ndërmjet Kosovës dhe Shteteve të Bashkuara janë përballur me sfida, përfshirë pezullimin e Dialogut Strategjik nga Uashingtoni në vitin 2025.

SHBA-ja e pezulloi këtë dialog, duke shprehur shqetësime për veprimet e Qeverisë së atëhershme në detyrë ndaj institucioneve serbe në Kosovë dhe kritikat e saj ndaj Gjykatës Kushtetuese, të cilat, sipas Uashingtonit, kishin rritur tensionet dhe kishin kufizuar mundësitë për bashkëpunim në prioritetet e përbashkëta.

Në korrik të këtij viti, Departamenti amerikan i Shtetit i tha REL-it se rifillimi i Dialogut varet nga krijimi i kushteve të nevojshme, përfshirë përmbushjen e zotimeve të Kosovës ndaj serbëve.

Më herët gjatë këtij viti, administrata Trump nominoi ambasadorë edhe për Shqipërinë, Serbinë, Bosnje e Hercegovinën dhe Malin e Zi.

Senati amerikan e konfirmoi Eric Wendtin si ambasador në Shqipëri më 7 gusht, ndërsa kandidatët për tri vendet e tjera ende janë në pritje të konfirmimit.

| Radio Evropa e Lirë

Continue Reading

Kosovë

Arrestohen pesë persona dhe sekuestrohen 37 kilogram heroinë

Published

on

Prokuroria Speciale e Republikës së Kosovës, në bashkëpunim me Policinë e Kosovës dhe Agjencinë e Kosovës për Inteligjencë, ka realizuar një operacion të koduar si “Rikthimi”‘” i cili rezultoi me zbulimin dhe sekuestrimin e mbi 37 kilogramë substancë të dyshuar narkotike e llojit heroinë.

Sipas informacioneve të dhëna, në këtë operacion janë sekuestruar 37 kilogramë heroinë, të ndarë në 62 paketime, me vlerë tregu mbi gjysmë milioni euro.

Po ashtu, janë arrestuar pesë të dyshuar për veprat penale të pjesëmarrjes në grup kriminal të organizuar dhe të blerjes, posedimit, shpërndarjes dhe shitjes së paautorizuar të narkotikëve. Operacioni është realizuar mbi bazën e informacioneve të siguruara nga AKI-ja dhe falë bashkëpunimit ndërmjet institucioneve të sigurisë dhe drejtësisë.

Continue Reading

Trending