Ferizaj

Dogana e Kosovës rrit konfiskimet dhe sekuestrimet me 150%

Published

4 years ago

12 August, 2022

Kryeministri i Kosovës, Albin Kurti, ka thënë se këtë vit konfiskimet dhe sekuestrimet janë rritur për dy herë e gjysmë në krahasim me të njëjtën periudhë të vitit të kaluar.

Në një konferencë për media pas një vizitë në Doganën e Kosovës, Kurti ka thënë se vlera e konfiskimeve dhe sekuestrimeve për këtë vit ka shkuar në 5 milionë, nga 2 milionë sa ishte një vit më parë.

“Derisa vitin e kaluar kemi pasur konfiskime dhe sekuestrime në përmasën prej 2 milionë euro, sivjet kemi 5 milionë euro. Dy herë e gjysmë është rritur konfiskimi e sekuestrimi për periudhën e njëjtë në këtë vit në krahasim me periudhën e kaluar”, ka thënë Kurti.

Sipas tij Policia e Kosovës dhe Doganat janë thelbi i sigurisë publike të shtetit.

Ai po ashtu ka përmendur se janë rritur edhe të hyrat në Dogana këtë vit për 14% në krahasim me vitin e kaluar.

“Një studim i Bankës Botërore ka treguar që edhe koha e zhdoganimit ka përmirësim te madh në vlerën 36% për import dhe për eksport dhe kjo është tejet e rëndësishme për investitorët e huaj”, është shprehur Kurti.

Ministri i Financave, Hekuran Murati, ka thënë se kapjet e produkteve të kontrabanduara janë bërë të përditshme dhe kjo sipas tij është bërë mesazh për kontrabanduesit se sa pësojnë nga veprimet e tyre.

“Siç e keni parë tashmë zëniet e produkteve të kontrabanduara, kapjet, konfiskimet janë bërë çështje pothuajse e përditshme ndërsa në të kaluarën rrallëherë është dëgjuar për to. Kjo është mesazh për ata që provojnë të bëjnë kontrabandë, se tash nuk është e mundur, se ju kushton shumë më shtrenjtë sesa të kalojnë nëpër kanalet zyrtare. Kjo vërehet dhe ka rezultate konkrete”.

Murati tha se shumë shpejt do të kthehen në funksion terminalet doganorë siç kanë qenë dikur, që “do të funksionojnë në shërbim të bizneseve dhe do ulin kostot për qytetarët”./Koha

Ferizaj

Gjobitet me 500 € për ndezje zjarri në Sojevë të Ferizajt

Published

1 day ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

1 week ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

2 weeks ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.