Ferizaj

Lojtarët e FC Ferizaj të përgatitur për Prishtinën, nesër ndeshja e parë si vendas pas rikthimit në Superligë

Published

4 years ago

20 August, 2022

Klubi i Futbollit Ferizaj sot ka mbajtur konferencë për media para ndeshjes së të dieles kundër klubit FC Prishtina në ora 17:00.

Trajneri i Ferizajt, Arbnor Morina thotë se kjo ndeshje e ka peshën si çdo ndeshje tjetër.

“Kemi me lujtë me një klub mjaft të komponuar dhe me traditë por edhe ne nuk jemi mbrapa. Loja e parë kah aan e rezultatit ka qenë e mangët por kah angazhimi dhe loja ka qenë mirë. Besoj që djemt do na bëjnë krenar dhe me u gëzu sepse kanë stërvitë mirë dhe nesër është sportive me besu që kemi me u paraqitë mirë dhe me pas rezultat pozitiv“, deklaroi trajneri Morina.

Drejtori sportiv i Ferizajt, Agron Selmani thotë se ndeshja e parë vendas e klubit në Superligë kundër Prishtinës ka rëndësi të madhe.

“Klubi jonë i ka marrë të gjitha masat që organizimi të shkojë mirë dhe e presim të përgatitur ndeshjen. Presim një vijueshmëri të tifozëve dhe pak a shumë se do prezantohemi në format më ndryshe. Nesër është ditë feste në qytetin tonë dhe shpresojmë që tifozët të marrin pjesë. Kemi datë festive pa e paragjyku rezultatin“, thotë Selmani.

Kapiteni i FC Ferizajt, Florim Berisha thotë se gjatë javës punuan shumë dhe janë mobilizuar në maksimum.

“Prishtina është ekip me traditë dhe gjatë javës kemi marrë masa se si do të luajmë dhe jemi në maksimum të përgatitur për këtë ndeshje“, deklaroi kapiteni Berisha.

Edhe sulmuesi Astrit Fazliu në konferencë u shpreh se ndeshja me Prishtinën është e fortë por kanë punuar gjatë tërë javës për të.

“Shpresoj që nesër ta vëmë në pah punën tonë dhe të jemi në ditën tonë më të mirë dhe të arrijmë trepikëshin e parë sepse në çdo ndeshje hyjmë për fitore por pasi që e kemi lojën e parë si vendas në Superligë të gjithë do përkushtohemi maksimalisht për trepikëshin” u shpreh Fazliu.

Për këtë ndeshje tifo grupi i Ferizajt, Ultras Ujqit kanë lajmëruar se nuk do të marrin pjesë, siç thonë ata për shkak të mosmarrëveshjeve me klubin.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.