Ferizaj
Mbi 550 mijë euro “rrush e përmbarim”
Kuvendi i Komunës së Ferizajt më datë 31 gusht do të mbajë seancë.
Në këtë seancë do të diskutohen disa çështje por ndër të tjera do të diskutohet edhe Raporti i Auditimit për vitin 2021.
E ky raport, ndër të tjera kishte gjetur se Qeverisja e Agim Aliut në Ferizaj gjatë vitit 2021 për shkak të keqmenaxhimit kishte humbur mbi 550 mijë euro interes dhe shpenzime në procedura përmbarimore.
Borxhi i papaguar i kësaj Komune ndaj operatorëve ekonomik për vitin 2021 ishte 6 milionë e 360 mijë e 388 euro të cilat u paguan nga Thesari pas vendimeve gjyqësore/përmbarimore.
Gjetja e plotë e Raportit të Auditimit rreth shpenzimeve përmbarimore:
Rregullorja MF Nr. 01/2017 për raportim financiar nga organizatat, neni 17, pika 3, parasheh se organizatat buxhetore raportojnë të gjitha detyrimet (faturat) të krijuara deri me 31 dhjetor të vitit raportues. Ndërsa sipas nenit 39.1 të ligjit Nr. 03/L-048 për MFPP: Çdo faturë e vlefshme dhe kërkesë për pagesë për mallra dhe shërbimet e furnizuara dhe/ose punët e realizuara për organizatën buxhetore të paguhen brenda tridhjetë (30) ditëve kalendarike pas pranimit të faturës. Ne kemi identifikuar se: Në një rast, obligimi për furnizim me inventar prej 7,227€ nuk ishte paraqitur në regjistrin e obligimeve të papaguara, pra kemi nënvlerësim të obligimeve për këtë vlerë. Në gjashtë (6) raste faturat në vlerë prej 1,190,047€ nuk janë paguar në afatin e paraparë ligjor. Vonesat ishin rreth 3 muaj. Po ashtu, Thesari sipas vendimeve gjyqësore/përmbarimore kishte ekzekutuar pagesa nga buxheti i komunës për vitin 2021 në vlerë prej 6,910,470€. Prej tyre 6,360,388€ ishte borxhi kryesor i papaguar i komunës kurse 550,082€ ishin shpenzimet shtesë në emër të procedurës kontestimore /përmbarimore apo interesit. Shkaku i gabimeve/mos raportimeve të plota në PFV ka ardhur si pasojë e pakujdesisë së zyrtarëve përgjegjës. Kjo kishte ndodhur për shkak hyrjes në obligime financiare pa pasur mjete buxhetore të planifikuara dhe mangësive në menaxhimin e obligimeve.
Raportin e plotë të Auditimit për Komunën e Ferizajt mund ta gjeni këtu.
Rendi i ditës së seancës së Kuvendit Komunal të Ferizajt që do të mbahet më 31 gusht 2022:
-
Ferizaj5 days agoRaportohet zhdukja e një djali në Ferizaj
-
Kosovë1 week agoNumërohen rreth 20% të votave të kandidatëve për deputetë
-
Diasporë1 week agoMërgata voton në përfaqësitë diplomatike në zgjedhjet parlamentare të Kosovës
-
Kosovë1 week agoMbeten edhe 14 kuti votimi të pa numëruara
-
Kosovë5 days agoSot fillon edhe numërimi i votave të diasporës
-
Kosovë4 days agoPagesa 100€ për punëtorët privat ekzekutohen të hënën
-
Kosovë1 week agoSot nis numërimi i votave të kandidatëve për deputetë
-
Kosovë6 days agoNumërimi i votave përfundon në 13 komuna
-
Ferizaj5 days ago“Ecim me policinë tonë” – Aktivitet në shënim të Ditës së Çlirimit të Ferizajt
-
Kosovë6 days agoAktakuzë ndaj gjashtë personave për ngritjen e barrikadave në veri më 2022
-
Kosovë5 days agoGjykata Supreme shfuqizon pjesërisht udhëzimin për xhamat e errët
-
Botë1 day agoTrump dhe Irani konfirmojnë arritjen e marrëveshjes për t’i dhënë fund luftës
-
Kosovë21 hours agoIsh-ministri Endrit Shala dënohet me dy vjet burgim për konflikt interesi