Ferizaj
Ferizaj “i gjelbër” apo “i betontë”?
Viti 2021 ishte vit zgjedhor, si për qeverisjen qendrore ashtu edhe për atë lokale.
Për të parin e Ferizajt garuan katër kandidatë, nga të cilët, fitues doli Agim Aliu nga PDK.
“Ferizaj i gjelbër”, ishte kryetema e fushatës parazgjedhore e kryetarit aktual i cili fitoi mbi 62% të votave.
Me gjithë premtimin e dhënë për një Ferizaj të gjelbër, qyteti edhe më tej njihet si i betontë, për shkak të ndërtimeve të shumta të larta në qytet.
Për të parë se sa po bëhet “Ferizaj i gjelbër”, Televizioni Tema drejtoi kërkesë për qasje në dokumente publike në Komunën e Ferizajt.
Kërkesa u bë për të parë se sa leje ndërtimore janë lëshuar gjatë vitit 2022 dhe në të njëjtën kohë sa u shtua gjelbërimi, rrjedhimisht sa drunjë u mbollën nga pushteti lokal.
Nga lista e lejeve ndërtimore të lëshuara nga Drejtoria e Urbanizmit, del se Komuna e Ferizajt në vitin 2022 ka lëshuar 57 leje për ndërtim të ulët dhe 18 leje për ndërtim të lartë.
Drejtoria e Shërbimeve Publike tregoi se gjatë këtij viti janë mbjellë 268 drunjë, nga të cilët vetëm 53 të rinj u mbollën në qytet.
Po në këtë dokument, kjo drejtori informoi se në këtë periudhë ka mbjellë 20 mijë lule sezonale dhe 260 lule shumëvjeçare.
Në anën tjetër, Drejtoria e Urbanizmit, përveç lejeve ndërtimore, në materiale ka bashkëngjitur edhe një dokument në të cilin thuhet se ka zhvilluar katër projekte mjedisore, saktësisht Pocket Parqe (Parqe të vogla) në fshatrat Dardani, Mirosalë, Tërrn dhe Gaçkë.
Pavarësisht se projektet “pocket park” janë të mira për banorët e fshatrave dhe e shtojnë gjelbërimin, a mund të quhet Ferizaj “i gjelbër” me “lulëzim” të ndërtimeve të larta dhe vetëm 53 drunjë të rinj, të mbjellë në qytet – kjo është shumë e diskutueshme.
-
Ferizaj6 days agoKërcënohet me jetë Kenan Gashi, drejtor ekzekutiv i “AVONET”
-
Ferizaj6 days agoPolicia në kërkim të dyshuarit të dytë për plagosjen me armë zjarri mbrëmë në Ferizaj
-
Ferizaj3 days agoQëndrim Januzi dënohet me 17 vjet burgim për vrasjen Gazmend Hysenit në Ferizaj
-
Kosovë1 week agoEdhe dy muaj paraburgim për të dyshuarit e sulmit në Banjskë
-
Arbëri1 week agoBalotazhi për president të Maqedonisë së Veriut më 8 Maj
-
Kosovë1 week agoPakot e cigareve dhe duhanit tash e tutje me ilustrime dhe porosi për efektet negative
-
Ferizaj1 day agoPolicia në Ferizaj konfiskon motoçikleta dhe trotinete elektrike pa dokumente
-
Ferizaj4 days agoBrenda një jave në Ferizaj u shqiptuan 1370 gjoba trafiku
-
Ferizaj1 week agoArrestohet një ish zyrtar i gjendjes civile në Ferizaj
-
Kosovë3 hours agoEnver Sekiraqa dënohet me 25 vjet burgim
-
Ferizaj6 hours agoNjë grua raportoi në polici dhunimin e vajzës nga një i panjohur
-
Kosovë4 hours agoKosova shënon regres në lirinë e medias